JEREMIAH 12:1 - DAÜLANGPÜ LAIHING (BSI)

¹ Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?

JEREMIAH 12:1 Referans Kwoze

MALAKI 3:15

Changmeipüthüang moihiman dangnyüke shei shaang jeni ehen mü hetteke. Douten dükpüthüang bamei shemmei leinyüke, shejao mechem jomi Kahvang mü dokteinya, jom-ang yangdainyüke” shei ammi enyüke.

MENVIH KESHO 92:7

Mang shennyakthü phenha kei longei aongjao, jomü den kü mahdaihen,

MENVIH KESHO 37:1

Mangthü nyupü nangkü mongteshang; ten dükpüthü kü mük tehüh;

DANIEL 9:7

Oh Shembüpa, nüngü daülangpü, shejao shinnyih hamü veüi jümtü nyüpeih– Judah shennyakthü hatü Jerusalem nanglakthü yopailei hatü tailuei Israel nanglakthü kung kahdokei nüngi haitükpeyü jomi nüng kü hingnelempü nangkü khih.

JOB SHAHSHA APPÜ 12:6

Gühpathülei ashakshemang chingmei kü nyüke; Laophülei lakei Kahvang noshi longteipü, hatü büpa mongshihhüpüthüang denmei chongnyüke.

HABAKKUK 1:4

Hanangkü shahkungnyü juwdai hatü shahhing neshiü. Shennyak tenthüi daülangpüthü kü shonlangteke; hanangkü shahhingü shahshem leitükteke.

MENVIH KESHO 51:4

Nüng khüei, nüng monha khüei ngei mang thahteke, hatü nüng touei mehe ten nyu ha dükteke. Hanangkü nüngi ngei kü shahphenpeyü jiüphei; ngei nyonghüpü kü dah shakteke.

MENVIH KESHO 37:35

Ngei nemeipüthü hatü wong noei vanglem lempü shennyak eetepih, hatü Lebanon leipü cedarpü keiha mih shangkü aongpü eetepih.

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

JEREMIAH 12:6

Nüngei jeihinaü hatü shem ami nüng yuhahteke; Jomi nüng khüei ngeüwong anteke. Jomi nüng jung meishi eküjao nüngi hathü kü hingnelem.

JEREMIAH 5:11

Mehenangkü Israel hatü Judah am phangü ngei kü lanshei hingnelem shei Shembüpai enyüke.

JOB SHAHSHA APPÜ 13:3

Shejao ngei Jeiyong Kahvang mü eteihünyüke, hatü Kahvang mü ngei ponghahpü nang shah shükteihünyüke.

EZRA 9:15

Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

ISAIAH 41:21

Amphongei shah shahphenshingei deikeishei Shembüpai enyüke; Amphongao meshük thahshi shah kü dakteiaokhen deikei, shei Jakobei Ongpai enyüke.

KANDOK 1:32

Mehenangkü kihikon kü venlepüthü laophü nyingi yemei dinyeih; Laophü kü laophüi monglempü ngapathüi mahpü pongnyüpeih.

MENVIH KESHO 145:17

Shembüpai büpalei lemthü peü kü shahhing enyeih, hatü büpai dükpü lemphü kü bampü kohshi düknyeih.

MENVIH KESHO 119:137

Nüngü daülangpü, Oh Shembüpa, hatü nüngei shahkungü shahhing.

MENVIH KESHO 119:75

Nüngi shahphenpeyü jiüpü khih shei ngei nyingnyüke, Oh Shembüpa; hatü nüng shahhing epai ngei kü hanghi shuohpeih.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

NEHEMIAH 9:33

Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.

MENVIH KESHO 116:5

Phahjipü hatü daülangpeyü Shembüpa; jenei Kahvangü phahjinyeih.

CHONGVENBÜ 8:14

Kahdoknyü kü angsha dou hanei vamnyüke. Daülangpüthüi mangthüi dangbenüng hanghi dangnyüke, hatü mangthüi daülangpüthüi dangbenüng laklei dangnyüke. Hapayao angsha khih shei ngei enyüpeih.

JEREMIAH 3:7

Pinnyüi hathü peü dükpheikü ngei touei leikahen je shei deihpeih, shejao pinnyü ngei touei mong lepei nelei, hatü shahshem epü chenaü Judah-i ha eeteke.

JEREMIAH 3:20

Shejao laophülei baha touei shahhing ne-epü nyüha keiha, nüngi ngei touei hingshangi nenyupeih, Oh Israel am phang shei Shembüpai enyüke.

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

JEREMIAH 32:16

Neriahlei cheha Barukh kü ngei dou shakpü lai shuohpheikü ngei Shembüpa kü phop.

YOUNG LAI 1:18

Shembüpayü shahhing, shejao ngei büpai epü khüei yaong; Banghümao, am nanglakthü, ngei ponghahpü kü veihümao; Ngelei thehilathü kemei wüpküpei deilangteke.

EZEKIEL 18:25

Shejao ammi shao, “Shembüpai dükpeyü nejiüang” shei enyüke. Ha bangtuh, Oh Israel phang: Ngelei lemthü nejiüpü je? Ammei lemthü nejiüpü nevaipü je?

JOB SHAHSHA APPÜ 8:17

jomei tünglang yaong kü banei dainyeih, hatü yaong kü bakshi nyunyeih.

JOB SHAHSHA APPÜ 24:12

Chingnyü kü mahhen nyupüthüi vaünyüke, hatü ma yahtü nyupüthüi sheühpü naei lennyüke, shejao Kahvangi jomi phoppü kü nejangnyu.

JOB SHAHSHA APPÜ 24:23

Büpai jom nyiumei kü yangei tuhhen aok, shejao büpai jom kü hingmei veishi nyunyeih.

MENVIH KESHO 51:6

Hingmei nüngi mongei shahhing nyupü ha lümnyüke; hanangkü ngelei mongdang mongpalei nüngei kihikonnyuhshih.

DANIEL 9:14

Hanangkü Shembüpai ham kü hanghi shuohteke; mehenangkü Shembüpa Kahvangi dükpü lemphüli jiüpü nyüke; shejao hami büpalei ven nebang.

MALAKI 2:17

Am langmaanshapshüpai Shembüpa nyiuhüteke. “Hami mekei Shembüpa nyiuhüpa?” shei ammi enyüke. “Üami mang düknya, Shembüpai ha lümnyüpeih, hatü büpai hathü kü mongongnyeih” shei epai nevaijü “Shahhing Kahvang melei nyüpa?” shei phepai Shembüpa nyiuhüteke.