JEREMIAH 11:4 - DAÜLANGPÜ LAIHING (BSI)

⁴ büpa kü thaüvaü hettuh. Ngei am kü epü bangtuh, hatü lemphü düktuh, hatü amü ngelei nanglak vaihen, hatü ngeiyü ammei Kahvang vaihen.

JEREMIAH 11:4 Referans Kwoze

SHAHKÜP 4:20

Shejao amphongü shinnyih nyupükei büpalei mükjüp yahpü am vaihen shingvaishi bahpü awbhaong Ijip leipü Shembüpai müei leipeih.

LEVI 26:12

Ngei am mü kamteihen, hatü ammei Kahvang vaihen hatü amphongü ngelei nanglak vaihen.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

1 ONGPATHÜ 8:51

mehenangkü jomphongü nüngi Ijip kahdok awbhaong kübü lepei leipü nüngei nanglak hatü mükjüp.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

EZEKIEL 37:23

Sheyü jom nyingi jomei lajeithü, hatü jiühitnalaipü douthü nevaijü lebü pungpüshaipü homei mang nethahhen; mehenangkü ngei jomphong vüpü mang kübü yanghen, hatü ngei jom daütükhen. Shejüang jomphongü ngelei nanglak, hatü ngeiyü jomei Kahvang vaihen.’ ”

EZEKIEL 36:28

Shejüang ngei ambü ampa kü shuohpü kahdok kü nyuhen, hatü amphongü ngelei nanglak, hatü ngeiyü ammei Kahvang vaihen.

EZEKIEL 14:11

Shejüang Israel nanglakthüi hajük kü ngei toueipü lemnyong kü nedaihen, hatü jom nyingi jomei mang homei nesheihhen. Jomü ngelei nanglak, hatü ngeiyü jomei Kahvang vaihen, shei Shembüpa Kahvangi enyüke.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.

JEREMIAH 30:22

Amphong ngelei nanglak vaihen, hatü ngei ammei Kahvang vaihen.

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

SHAHKÜP 11:27

Ngei shinnyih am kü shuohpü Shembüpa, ammei Kahvangei shahkung bangjema moihiman nyüke;

LEVI 26:3

Ammi ngelei shahkungnyü aimü nyujema, hatü ngei epü ven bangjema,

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

EZEKIEL 37:27

Ngei jom mü nyuhen; ngei jomei Kahvang, hatü jomphongü ngelei nanglak vaihen.

JEREMIAH 32:28

Hanangkü Shembüpai hapakei enyüke: Hapa chingnyü hahhen nyupü Babylon am hatü Babylon ongpa Nebukadnezzar kü hapa chingnyü shuohtükhen.

ISAIAH 48:10

Hon aw kü jakei daühüpü keiha, ngei am kü shanghah homei doktepih, shejao amphong yahlak neshiü.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

ISAIAH 30:6

Negeb leipü yemhimakthü nangkü epü shah: Shangpong yakyingpü kahdok homei, mailang chebi chebaongthü, biünyü biütamthü homei jom kü nanglei neshuohhen nanglakthü touei, jomi gadu kü jomei mophimothü, hatü ut kü jomei hon hi nginthü shetnyüke.

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 38:20

“Jomi nüng hapakei neshuohtükpih” shei Jeremiah-i e. Ngei mehe enya ha dükei Shembüpalei shah bangtuh. Shejüang nüng meishi nyuhen hatü nüng yanghen.

DANIEL 3:26

Hahepak kü Nebukadnezzari awbhaong shadenei heih-ei, “Shadrakh, Meshakh hatü Abednego, Jaipüba Kahvang chongphopüthü, vamkei hatü heihkei!” shei nyük. Hahepak kü Shadrakh, Meshakh hatü Abednego awbhaong leipü vamteke.

SHAHKÜP 5:6

“Ngeiyü amphong aa vaishi nyupü Ijip kahdok leipü müei leipü Shembüpa, ammei Kahvang.”

2 ONGPATHÜ 18:6

Mehenangkü büpai Shembüpa kü wongshongi shong, hatü büpa phei müpü nedoh; Shembüpai Mosa kü shuohpü shahkungnyüthü peü dük.