JEREMIAH 11:20 - DAÜLANGPÜ LAIHING (BSI)

²⁰ Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

JEREMIAH 11:20 Referans Kwoze

JEREMIAH 20:12

Oh Jeiyong Shembüpa, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

JEREMIAH 17:18

Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

JEREMIAH 15:15

Nüngi nyingei nyüpeih, Oh Shembüpa, ngei deih-ei dangtuh hatü ngei kü thümshih; hatü ngei kü shüveipüthü kü bhüh yemtuh. Nüng nenteiaokpai ngei yah-ei tedeitük; Nüng nangkü ngei meshük ne-ienelem ponghahpa deihtuh.

1 SHÜPPÜKENGPÜ 29:17

Ngelei Kahvang, nüngi mongdang yemnyeih, hatü kangshangpüthü kü mongmeinyeih shei ngei nying; ngelei mongsha daülangpai ngei hathü dou mongongshi shuohpeih, hatü shaang hatouei nyupü nüngei nanglakthüi monghumei mongongshi shuohpü ngei eeteke.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

2 TIMOTI 4:14

Nyiam shükbü Alexanderi ngei kü longi nemei-i dükphopeih. Büpai mehe dük, hapa kü Shembüpai shemshuohhen.

PHILIPPI 4:6

Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

JEREMIAH 12:1

Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

MENVIH KESHO 57:1

Ngei kü phahjishih, Oh Kahvang, ngei kü phahjishih; mehenangkü nüng kü ngelei laangha loinyeih; nüngei yangkaok dhüm phangkü ngei loihen, mangpü yinglükpalei mangpeihkem thahshi.

MENVIH KESHO 43:1

Ngei dah shakhütuh, Oh Kahvang, hatü Kahvang nenyingpü jatthü khüei ngei khüambakshih. Ühingnakai hatü shahhing ne-epüthü kübü ngei yangtuh.

MENVIH KESHO 35:2

Inyüshung hatü phunglang ow temtuh, hatü ngei kü sheühphahen layaongtuh.

JOB SHAHSHA APPÜ 5:8

“Ngei paoh nüng vailangmeyü ngei Kahvang yemhah shepeih, hatü büpa kü mongshang ehah shepeih.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 SAMUEL 24:15

“Shembüpai-üng ji aa kü üpa jiüpa shah nyemphenkei. Ngelei nang büpai veihen, hatü büpai ngei nüngei lak kübü yangei ngei dah shakhühen” shei e.

MENVIH KESHO 7:8

Shembüpai nanglakthü kü shahphennyeih; ngei daülangshemshepü aimü; Oh Shembüpa; ngei kü nyupü shahhing aimü nüngi shahphentuh, Oh Jaipüba.

MENVIH KESHO 58:10

Nemeipüthü kü bhüh yempü eetü daülangpüthü mongmeihen; nemeipüthülei iy kü jom kamteihen.

MENVIH KESHO 139:23

Ngei yemtuh, Oh Kahvang hatü ngelei mongdang nyingtuh; ngei kü doktuh hatü ngelei mongdeih nyingtuh.

JEREMIAH 12:3

Shejao Oh Shembüpa, nüngi ngei nyingnyeih; Nüngi ngei kü veishih, hatü doktuh– ngelei mongdang nüng mü nyüpeih. Jühen mithü kei jom shüei ngaituh, hatü jühen nyih shingvaishi hayaoha khaatei tuhtuh.

EZEKIEL 11:5

Hahepak kü Shembüpalei laangha ngei touei pei, hatü büpai ngei kü hapakei etuh shei e: “Shembüpai hapakei enyüke: Amphongi hapakei deihnyüke, Oh Israel phang, shejao ammei mongei mehe deihnya ngei ha nyingnyeih.

2 ONGPATHÜ 19:14

Hezekiah-i phongmokbüthü leipü lai dangei ieteke. Hapheikü Shembüpalei shemei aongei Shembüpa touei hapa paanteke,

MENVIH KESHO 7:10

Kahvangü ngelei inyüshung, büpai mongdang daülangpüthü yangnyeih.

YOUNG LAI 3:58

Nüngi ngei kü dongkoli, Oh Shembüpa! hatü ngei yemlei.

YOUNG LAI 3:59

Ngei kü nejiüpü dükpü nüngi eeteke, Oh Shembüpa! Nüngi hapa shah phenshih.

YOUNG LAI 3:64

Jomei doui shangpükei, jomei lakdou aimü yah-eishuoh, Oh Shembüpa.