JEREMIAH 11:17 - DAÜLANGPÜ LAIHING (BSI)

¹⁷ Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 11:17 Referans Kwoze

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

JEREMIAH 12:2

Nüngi jom sheiteke, hatü jom tünglang yiüteke: jom longei betjük jüknyüke; Jomei jubenei düngei nüng jung enyüke, shejao jomei mongdang longi taidaitü nyüke.

JEREMIAH 2:21

Shejao peü mü meipü li shei yah-ei ngei amü peü mü meipü nyalingngupai kei sheiphongpeih. Shejema mekei etü am tenei phaü nyalingngupai leidaipa?

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

EZEKIEL 17:5

Hapheikü büpai Israel kahdok leipü sheilivang yah-ei sheili longhen mü yung changshi nyupü kahcheü kohpü kahdokei sheiteke.

JEREMIAH 45:4

“Büpa kü ha etuh” shei Shembüpai eteke: Shembüpai hapakei enyüke: “Ngei mehe vetepa, ha bentükhen; ngei mehe shei, ha bhitükhen; hapayü kahmük peü.

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

JEREMIAH 40:2

Mechem veshan mübüi Jeremiah eepa, büpai büpa kü, “Shembüpa, ammei Kahvangi hapa shanghah-ü hapa shing kü shuohhen temtükpü khih,

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

JEREMIAH 24:6

Ngei ngelei müki hathü kü mei shingvaishi veihen, hatü ngei hathü hapa kahdokei müei leihen. Ngei jom lingei leihen, shejao jom neshaaktükpih; ngei jom sheiphonghen, shejao nebhitükpih.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

MENVIH KESHO 80:15

hapayü nüngei laki sheipü nyalingngupai.

MENVIH KESHO 80:8

Nüngi Ijip leipü nyalingngupai yah-ei an; nüngi jatthü changtüktü ha sheiphong.

MENVIH KESHO 44:2

Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

2 SAMUEL 7:10

Ngei ngelei Israel nanglak shingvaishi shing hük yahphahen, hatü üamiyao nebukneshaani shingnüng chongkhenei nyuhen shingvaishi ngei jomphong sheiphonghen. Hajük kü nemeipü shennyakthüi shelei ngei,

JEREMIAH 1:14

Hahepak kü büpai ngei kü e: “Apshaphi leipü shanghah hük hapa kahmük kü nyupüthü peü touei vamhen.

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

JEREMIAH 11:13

Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 32:29

Hapa chingnyü khüei hokpü Babylon am peiyei awi haphen, hatü ngei mongshihhüei Baal kahvang kü shem adokei ayingshü jakei khümpü hatü lebü kahvangthü kü yiü moila shuohteipü shemthü awi haptükhen.”

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

2 SHÜPPÜKENGPÜ 28:25

Büpai Judah chingnyü peülei lebü kahvangthü kü moila jakhen vaümchongthü ling, hapai Shembüpa, chebü chepalei Kahvang mongshih vamhü.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

JEREMIAH 40:3

hatü shaang büpai ha düknyu khih; büpai dükhen shei epükei shaang büpai ha dükteke. Hathü kemeiyü am nanglakthüi Shembüpa khüei mang thah, hatü büpalei ven nedanpü homei vampeih.

JEREMIAH 44:5

Shejao jomphongi ha nebang nevaijü ha kü mong neshuohpeih; jomi jomei mang kübü mong nelep nevaijü lebü kahvangthü kü ayingshü jakei khümpü nedoh.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.