JEREMIAH 11:16 - DAÜLANGPÜ LAIHING (BSI)

¹⁶ Chem Shembüpai am kü, “Thüngshingpü olive pü, meipü betjük jükpü” shei nyükhampeih, shejao longpü yinglükleisho ngüngpai büpai ha kü aw bahhühen, hatü hapalei kaothü hahtükhen.

JEREMIAH 11:16 Referans Kwoze

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

MENVIH KESHO 52:8

Shejao ngeiyü Kahvangei shemei thüngshingpü olive pü kei nyüpeih. Ngei den kü Kahvangi bampü kü hinglemnyeih.

MENVIH KESHO 80:16

Jomi ha kü aw haptük, jomi ha agtükkem; nüngi lohpü kü jom mahdaihen.

JOHAN 15:6

Üam ngei kü nenyu, hathüyü kao hük kei yaktüknyeih hatü vandainyeih; hapa keipü kaothüyü thaiyei aw kü shükei jaktüknyeih.

MATHI 3:10

Shaangao pü chongei ay haüshi nyüke; betjük meipü nejükpü pü agtükhen hatü awbhaong kü shüktükhen” shei e.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

MENVIH KESHO 83:2

Shaang nüngei vepathü dokteiyei vamnyüke; nüng kü jiühitpüthü khüei yaongnyüke,

SHAKEI VAMPÜ 11:4

Hathüyü kahdoknyülei Shembüpa touei yaongpü olive pü nyi hatü awdük shemshing nyi nyüke.

SHAHKÜP 28:40

Ammei kahmük kü olive pü mon maei nyuhen shejao amphongi haleipü olive mainga nenoteiaokhen; mehenangkü hathü vüdaikemhen.

JOB SHAHSHA APPÜ 8:16

Nemeipüthüyü vanghenyü kü phenha nipükei vamnyeih, hatü pemong maei bannyeih,

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

HOSEA 14:6

Büpalei nyem ja vamhen; Büpa nethe meipeyü olive pü kei hatü büpa vong meipeyü Lebanon leipü cedar pü kei nyuhen.

MENVIH KESHO 80:17

Nüngei lakdah philei nyupü, hatü nüng shingvaishi longhahpü shennyak ha kü nüngei laki dükshi angtuh.

JEREMIAH 2:21

Shejao peü mü meipü li shei yah-ei ngei amü peü mü meipü nyalingngupai kei sheiphongpeih. Shejema mekei etü am tenei phaü nyalingngupai leidaipa?