JEREMIAH 11:15 - DAÜLANGPÜ LAIHING (BSI)

¹⁵ Jomi hajük mang dükyaki ngelei shemei ngei bampü nanglakthü kü mehe jiüpü hean nyuhen? Lahpü hatü yemhimak moila shuohpai shanghah khaplükhen shei deihnyu je? Hapai mongmeihühen deihnyu je?

JEREMIAH 11:15 Referans Kwoze

KANDOK 2:14

Ten dükpü kü mongongpü, hatü ten lawlüppü kü mongongpüthü;

TITUS 1:15

Daüshi nyupü am keyü lemphü daüshi nyüpeih, shejao üam sheihdai hatü hingnelem, jom shingvaishi meheyao daülangpü neshiü. Jomei sholi mongdang kemei sheihdaiteke.

JAKOB 4:16

Hapakei am changmeiyei awdanyüke; hapakei awdapü peü mang nyüke.

1 KORINT 13:6

Bampai ten dükpü kü mongneongnyih, shejao shahhing kü mongongnyeih.

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

LUK SHAHSHA APPÜ 8:28

Mechem büpai Jisu eepa, büpa Jisu touei doei shatü, “Nüngi ngei kü mehe dükphahenang, Jisu, Chaipüba Kahvang Ha? Nüngi ngei kü teshüveipha shei ngei khümnyeih” shei ngeü mahshi len;

MATHI 22:11

Shejao mechem ongpai yenpathü kü veihen peipa, büpai shennyak hük yiükjing ow ne-owi ee,

HOSEA 3:1

Shembüpai ngei kü, “Shao chem daituh, hatü pinnyü mih mü bamteiyei mükbongjuyung düklangmao hapa nyüha kü nüngi bamtuh. Israel am lebü kahvangthü lemei lepei hapa kü jeetükpü nyalingngupai aan kü kenlangmao, ngei jom kü bampükei bamtuh” shei e.

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

JEREMIAH 12:7

Ngei ngelei shem yakphongpeih, ngei ngelei mükjüp tuhphongpeih: Ngei ngelei mongdangi bampüba vepathülei lak kü shuohtükpeih.

JEREMIAH 3:14

Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

KANDOK 26:18

Shennyak hük chingyowpa kü lueilemtepü, “Ngei nyienei epeih” shei epeyü,

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

KANDOK 10:23

Ngapa hüki ten dükpü kü mongongnyeih, shejao danaokpü shennyaki kihikon kü mongmeinyeih.

MENVIH KESHO 50:16

Shejao nemeipüthü kü Kahvangi hapakei enyüke: “Ngelei shahkung nüngi iehen, nevaijü ngelei vangpüshuwpü nüngei jui ehen mehe jiüpü nyüpa?

MENVIH KESHO 60:5

Nüngei lakdah-i ham aokpü danghütuh, hatü ham kü jangshih. Shejüang nüngi bampü am yangaokhen.

JEREMIAH 13:27

Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”

JEREMIAH 23:11

“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.