JEREMIAH 11:13 - DAÜLANGPÜ LAIHING (BSI)

¹³ Ammei jilathü meshük nyu, hajükpa kahvangthü nyüke, Oh Judah, hatü Jerusalem chingyangshong meshük nyu, hajükpa am veühen linghahpü moidüthü, Baal kahvang kü moila shuohpü moidüthü nyüke.”

JEREMIAH 11:13 Referans Kwoze

JEREMIAH 2:28

Shejao ammi linghahpü kahvang melei nyüpa? Am shanghahpü hepak kü jomi aokjema peiyei am nyemyangpha; ammei jilathü meshük nyu, hajük ammei kahvangthü nyüke, Oh Judah.

2 ONGPATHÜ 23:13

Israel amei ongpa Solomoni Sidon amei jiühitnalaipü Astartes nyüha kahvang, Moab amei jiühitnalaipü Kemosh kahvang, Ammon amei Molekh kahvang, hathü kü khümhen shingvaishi Jerusalem heongphi kü hatü Olive Kahshang pehephi kü vepü moidüthü peü sheihtük.

HOSEA 12:11

Gilgalei lajeithü khümnyüke; ha kü khümpüthü mahkemhen; Gilgalei jomi mohohbaong yah-ei ha kü jakpü moila shuohnyüke. Hanangkü jomei moidüyü koshoya kü yaong bhaongei tuhpükei mon nyukahen.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

JEREMIAH 19:5

Jomi Baal kahvang kü laophülei hapeü aw kü jakei moila shuohhen shingvaishi Baal kahvangei vaümchongthü lingteke; ngei mechemao jom kü eyei nenyu, nevaijü ngelei mong kü deihshi nenyuangpih.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

JEREMIAH 3:24

Shejao ham hashih mebü hapa veübenüng douthüi hamei bühipa ami nyiuei dükpü, jomei yemhimakthü, jomei yiükha yeshangthü peü lühtükpeih.

ISAIAH 2:8

Jomei kahdokü lajei mon maei nyüke; jomi jomei laki lingpü douthü kü aümei khümnyüke.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

JEREMIAH 44:21

“Am hatü ammei bühipa, ammei ong hatü lakchongbüthü hatü hapa kahdok leipü nanglakthüi Judah jilathü hatü Jerusalem chingyangshong kü ayingshü jakei khümpü Shembüpai ha betüktü nedeihnyih shei deihnyu je?

JEREMIAH 48:35

Moablei vaümchongthü kü moila shuohpüthü hatü jomei kahvangthü kü ayingshü jakpüthü ngei dohtükkemhen” shei Shembüpai enyüke.

EZEKIEL 16:24

lemhao peü kü ammi lajeithü kü khümshing hatü büm yuhen shingthü lingteke.

HOSEA 9:10

Shongei ngei mechem Israel am dangpa, jomü bhih kahdok kübü nyalingngupai kei shepeih; Shejao ngei mechem ambü ampa eepa, amü adhapü kü shongpü betjük eepükei shepeih. Shejao mechem jom Peor Kahshangei peiyei Baal kü khümpa, lomi jomi bampü kahvang kei jiühitshi leidaipeih.

2 SHÜPPÜKENGPÜ 28:25

Büpai Judah chingnyü peülei lebü kahvangthü kü moila jakhen vaümchongthü ling, hapai Shembüpa, chebü chepalei Kahvang mongshih vamhü.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

JEREMIAH 44:5

Shejao jomphongi ha nebang nevaijü ha kü mong neshuohpeih; jomi jomei mang kübü mong nelep nevaijü lebü kahvangthü kü ayingshü jakei khümpü nedoh.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.