JEREMIAH 11:11 - DAÜLANGPÜ LAIHING (BSI)

¹¹ Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 11:11 Referans Kwoze

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

KANDOK 1:28

Hahepak kü ammi ngei kü nyükhen; shejao ngei am kü nejanghen; Ammi ngei yemhen, shejao ngei nedanghen.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

MIKA 3:4

Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

2 ONGPATHÜ 22:16

‘Shembüpai hapakei enyüke, ngei hapa shing hatü halei nyupüthü kü ongpai iepü hapa Lailei nyupü shanghah peü koei peihen.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

ISAIAH 24:17

Nyempü, kahsha hatü taikam mon am shing nyüke, Oh kahdoknyü nanglakthü.

MENVIH KESHO 18:41

Jomi sheühpü yüei len, shejao jom yanghen hükao nenyu; Jomi Shembüpa kü nyük, shejao büpai jomi nyükpü kü nejang.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

AMOS 5:19

Hapa nyih-ü shennyak hük mailang kübü mokei daiyei sheptao pongpükei, nevaijü shemei leiyei bham kü laki shongshingkü biüikaokpükei nyukahen.

EZEKIEL 7:5

Jeiyong Shembüpai hapakei enyüke; Vongshüh hük pheikü hük am touei peikünyüke:

JEREMIAH 36:31

Ngei büpa, chehathü hatü büpalei lakchongbüthü jomei mang nangkü hanghihühen; ngei Jerusalemei nyupüthü hatü Judah nanglak kü ngei shuohhen shei epü shanghah peü koei peihen, mehenangkü jomi ngei epü nebangpeih.

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 23:12

Hanangkü jomei lemü vangnyak lemnyü kei nyuhen, hapa kü jom changei deiyei dohühen. Jom shanghahpü bong kü ngei jom kü vongshüh koei peihen shei Shembüpai enyüke.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 19:3

Nüngi hathü kü, ‘Shembüpalei shah bangtuh, Oh Judah ongthü hatü Jerusalemei nyupüthü. Jeiyong Shembüpa, Israel Kahvangi hapakei enyüke’ shei etuh: Hapa jung danpü peüi dhaongvang kü nyahhen mü ngei hapa shing kü shanghah koei peihen.

JEREMIAH 15:2

Hatü jomi, “Ham melei daihen?” shei phephüjü nüngi hathü kü, “Shembüpai hapakei enyüke” shei etuh: “Dihen demtüktü nyupüthü dikemtuh; Yani mahhen demtükpüthü yani mahtuh; Münghishaü-i dihen demtükpüthü münghishaü-i dikemtuh; Wüpküpei daihen demtükpüthü wüpküpei daituh.”

JEREMIAH 11:14

Jeremiah, nüngi hathü nanglak shing tephop, nevaijü jom shing tekhüm nevaijü teyü; mehenangkü jom ponghahpü hepak kü jomi ngei kü nyükjü ngei nebanghen.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

MENVIH KESHO 66:18

Ngelei mongi mang lümjema, Shembüpai ngei epü nedanlangphahen.

2 SHÜPPÜKENGPÜ 34:24

Shembüpai hapakei enyüke: Hingmei ngei hapa shing hatü haleipü nanglakthü kü shanghah hatü Judah amei ongpa touei iepü laitap kü nyangei nyupü thaüvaü peü koei peihen.

JOB SHAHSHA APPÜ 35:13

Hingmei, Kahvangi shahshemi lenpü kü nebangnyih. Jeiyong Kahvangi henüng kü dhaong neshaangnyih.

JEREMIAH 14:2

“Judah-i mahng thepnyüke, hatü jomei chingnyüthü wong kemdaiteke. Jomphongü dhe magdaitü kahdokei lemshi nyüke, hatü Jerusalem am theppü shangei aongnyüke.

JEREMIAH 18:11

Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.

JEREMIAH 25:35

Mi yombüthü melei nenyai-i nyuhen, mikhong müpüthü yanglem neshiühen.

YOUNG LAI 2:22

Mohitap nyih kü kei nüngi ngeihpü shonpü ngelei vepathü kemei nyükteke; Shembüpa mongshihpü nyih kü üpayao neyangaok; Ngei büh-ei paümei, haümei longhahpü moihiyangthü vepathüi jütükteke.

EZEKIEL 14:3

“Shennyak ha, hathü shennyakthüi lajeithü kü jomei mong kemei shuohtükteke, hatü hapai jom mang lemei mühünyüke. Jomi phepü kü ngei jom kü jangpü shuohhen je?