JEREMIAH 11:10 - DAÜLANGPÜ LAIHING (BSI)

¹⁰ Ngelei shah nebang-ü shei chebü chepalei mang kü nyokei lüdaiteke. Jomphongü lebü kahvangthü chongphoei lüdaiteke. Israel hatü Judah am shem nyipheni ngei chebü chepathü mü lingpü vangpüshuwpü mangtükteke.

JEREMIAH 11:10 Referans Kwoze

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

EZEKIEL 16:59

Shembüpa Kahvangi hapakei enyüke: “Ammi dükpü shangshi ngei am kü dükhen; ammi lahtükpü kü ne-ienelem hatü vangpüshuwpü mangtükteke.

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.

SHAHPHENBÜTHÜ 2:17

Shejao jomi shahphenbüthülei shah-ao nebang, shejao jom nying kü lebü kahvangthü mü mükbongjuyungei hathü kü khümteke. Shembüpalei ven bangei kampü chebü chepalei lem kü nekami lomi lemnyong kü lüdaikem.

HEBREW 8:9

hayü ngei Ijip kahdok leipü mülangpü ngelei laki müei daipü nyih chebü chepa mü lingpü vangpüshuwpü kei nevai; Mehenangkü jomi ngelei vangpüshuwpü kü nedoh-i nenyu; Hanangkü ngei jom baong neyemi tuhpeih shei Shembüpai enyüke.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

EZEKIEL 44:7

ngelei shemei shühen am mongdang hatü phai kü shuw nejapi nyüke; ammi ngei kü mechem hahying cheü hatü iy moila shuohhen, ngelei shem sheihtüknyüke. Ammei jiühitnalai douthü homei ngelei vangpüshuwpü peü mangtükteke.

MENVIH KESHO 78:57

shejao lemnyong kü daiyei chebü chepa am kei hingnelem; kaokdaipü lahhan keiha monglem neshiüi leidai.

SHAHKÜP 9:7

Jahpanei nyushi ammi Shembüpa, ammei Kahvang mongshihhüpü ha deihtuh hatü tebetük. Am Ijip tuhtü layaongpü nyih kübü shinnyih hatou shing ngoipü thahshi ammi Shembüpa khüei yaonghampeih.

LEVI 26:15

hatü ngelei shahkungnyüthü hatü ngei kangpüthü nedükjema, hatü ngei am mü lingpü vangpüshuwpü mangtükjema,

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

JEREMIAH 31:32

Ngei Ijip leipü jomei lak kü düktü müei leipü hepak kü chebü chepa mü lingpü vangpüshuwpü keiha hapayü nechongkahen. Ngei jomei baha kei nyujao jomi ngelei vangpüshuwpü mangtükpeih shei Shembüpai enyüke.

SHAHPHENBÜTHÜ 2:11

Hahepak kü Israel ami Shembüpa touei mang thah, hatü Baal kahvang chongphoteke.

JEREMIAH 7:28

Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

JEREMIAH 9:6

Shüveipü pheikü shüveipü, lueilempü pheikü lueilempü! Jomi ngei nyinghen nemongnyu shei Shembüpai enyüke.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.

JEREMIAH 44:5

Shejao jomphongi ha nebang nevaijü ha kü mong neshuohpeih; jomi jomei mang kübü mong nelep nevaijü lebü kahvangthü kü ayingshü jakei khümpü nedoh.

JEREMIAH 44:16

“Shembüpalei men kü nüngi ham kü epü shah nebangpih!

EZEKIEL 5:6

Shejao pinnyüi ngelei shahkungthü hatü vanglemthü khüei yaongteke, lebü jatthü hatü ngeihpü shonpü kahmükthü mao pinnyü nemeipüba leiteke; ngelei shahkung hatü vanglemthü yaktükteke.

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

JEREMIAH 22:9

hatü hapa kü jangpeyü, “Mehenangkü jomi Shembüpa, jomei Kahvang mü vangpüshuwpü mangtüktü lebü kahvangthü kü khümei chongphopü nangkü ha vampüja” shei ehen.