JEREMIAH 10:16 - DAÜLANGPÜ LAIHING (BSI)

¹⁶ Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

JEREMIAH 10:16 Referans Kwoze

SHAHKÜP 32:9

Mehenangkü Shembüpalei heanü büpalei nanglakthü nyüke; Jakobü büpalei mükjüp nyüke.

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

JEREMIAH 31:35

Üpai nyihnüng vangngai shingvaishi vanghe, hatü yanüng vangngai shuohhen nangkü lennyü hatü lithathü kü shahkung shuohnya, yungching yungmok ngeü vamhen mü üpai yungching pheühünya, ha Shembüpai hapakei enyüke: Jeiyong Shembüpayü büpalei men:

JEREMIAH 51:19

Jakob Kahvangü hapakei nevai; büpayü lemphü douthü Lingbü, Israelü laophülei mükjüp jat vaishi jeteke; Jeiyong Shembüpa büpalei men.

JEREMIAH 10:12

Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

MENVIH KESHO 119:57

Shembüpayü ngelei lompü; ngei nüngei shahthü banghen lahnyeih.

MENVIH KESHO 74:2

Nüngi shelei jeyei tuhpü nanglakthü, nüngei mükjüp vaihen nüngi angei leipüthü deih-ei dangtuh. Nüng peiyei nyupü Zion Kahshang deih-ei dangtuh.

YOUNG LAI 3:24

“Shembüpa ngelei lompü” shei ngelei laangha kü e. Hanangkü ngei büpa kü monglemei danhen.

MENVIH KESHO 135:4

Mehenangkü Shembüpai Jakobü laophü shing, hatü Israelü büpalei lompü vaishi jelangteke.

JEREMIAH 50:34

Jom Yemleipüba wong kohshi nyüke; Jeiyong Shembüpayü büpalei men. Büpai hingmei jom kü khüambakei ehen, shejüang büpai kahmük kü nyiushemmei koei peiaokhen, shejao Babylon am shing nelingi tuhhen.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

MENVIH KESHO 73:26

Ngelei büm hatü ngelei mongdang wong nekoh-i leidaihen aok, shejao Kahvangü ngelei wong, ngei düngei napeyü büpa mon.

MÜLANGPÜ 19:5

Hanangkü shaang, ammi ngelei ven bangei ngei mü vangteishuwteipü dükjema hangkuli peü shak kü amphongü ngelei thushong douvang vaihen. Kahdoknyü kemei ngelei,

ISAIAH 54:5

Mehenangkü am Lingbüyü ammei baha, Jeiyong Shembüpayü büpalei men; Daülangpü Israel Kahvangü am Yemleibü; Büpa kü kahdoknyü peüi Kahvang shei nyüknyüpeih.

ISAIAH 51:15

Mehenangkü ngeiyü yungching yungmokao ngeü anhüpü Shembüpa, ammei Kahvang. Jeiyong Shembüpayü ngelei men.

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

ISAIAH 47:4

Daülangpü Israel Kahvangü jen Yemleibü; büpalei menü Jeiyong Shembüpa.

KANDOK 16:4

Shembüpai lemphüli mükhong tuhtü lingpeih; nemeipüthüao shangpongpü nyih shingvaishi lingpeih.

MENVIH KESHO 142:5

Ngei nüng kü lennyeih, Oh Shembüpa; “Nüngü ngei loishing, yemmü nyupü kahdok kü nüngü ngelei phaihan” shei enyeih.

JEREMIAH 10:6

Nüng kei üpayao neshiü, Oh Shembüpa, nüngü longpüba, hatü nüngei menü ngan kü wong kohpüba.

JEREMIAH 33:2

Kahdoknyü lingpü Shembüpa, hapa shükei shingnüngei tuhpü Shembüpa, büpalei menü, Shembüpa, büpai hapakei enyüke:

AMOS 4:13

Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.

ZEKHARIAH 2:12

Daülangpü kahdok kü Judah-ü Shembüpalei lompü vaihen, hatü shao Jerusalem jehen.

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

ISAIAH 19:25

Jeiyong Shembüpai jom kü moihimanhen hatü, “Ngei nüng kü moihimanhen, ngelei nanglak Ijip; ngei lingpü Assyria am; hatü Israel am, ngelei mükjüp jathili” shei ehen.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.