JEREMIAH 10:12 - DAÜLANGPÜ LAIHING (BSI)

¹² Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

JEREMIAH 10:12 Referans Kwoze

JOB SHAHSHA APPÜ 9:8

Büpa monhai vangshothü paanei deishihnyeih, hatü yungching yungmokao shouptüknyeih.

KAHBHAO 1:1

Chongpangpülei Kahvangi vangshothü hatü kahdoknyü ling.

KANDOK 3:19

Kihikoni Shembüpai kahdoknyü chongnyiam lingteke, danaokpü koni büpai vangshothü hathülei shing kü tuhpeih.

ISAIAH 40:22

Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.

KOLOSI 1:16

Mehenangkü büpa kü vangsho hatü kahdoknyü kübü müki eepü, hatü müki ne-eepü dou peü ling: Ong uoshing vaijao, vanglem lempü vaijao nevaijü vanglem lempüthü nevaijü yemya yapüthü vaijao dou peü büpa homei ling, hatü büpa shing ling.

JOHAN 1:3

Douthü peü büpa homei vam; lingei nyupü douthü peü büpa ne-omi hükao neling.

MENVIH KESHO 24:2

mehenangkü büpai ha yungchingthü shangkü chongnyiam ling, hatü ha yung shangkü chonglingei tuhphong.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

JEREMIAH 10:13

Mechem büpai vangmuk khunghen, vangsho leipü yung vaünyeih; büpai kahdok dohpü jung phileipü phum vamhünyeih. Büpai vang mü klang shomnyeih, hatü büpai tuhshing leipü vanglük ngainyüpeih.

ISAIAH 49:8

Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

KANDOK 30:4

Üpai vangsholei aongtü shühpa? Üpai laophülei lakbha kü vanglük thaiyei tuhpa? Üpai laophülei ashak kü yung dungei tuhpa? Kahdoknyü junghijang thahshi üpai lingpa? Büpa hatü chehalei men üpaang? Nüngi nyingei nyujema ngei kü ha eshih!

MENVIH KESHO 119:90

Nüng shahhing epü hüdenhalenshi nyunyeih; nüngi kahdoknyü ling, hatü ha wongshongi nyüke.

MENVIH KESHO 78:69

Büpai laophülei daülangpü shing vangshothü kei shaoshi ling, büpai denshing chongnyiam lingei tuhpü kahdoknyü kei ling.

JOB SHAHSHA APPÜ 26:7

Büpai heongphi kong kü sheüshi tuhnyüke, hatü kahdoknyü shingkong kü sheüshi nyüke.

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

MENVIH KESHO 93:1

Shembüpayü ongpa, büpayü müknyinshekhang, hatü wongi maei nyüke. Büpai kahdoknyü lingteke, hatü ha nechaidaihen.

KAHBHAO 2:5

pühivung meheyao neshiü hatü sheili vang meheyao nekoh-i nyu; mehenangkü Shembüpa Kahvangi vang mangshomi nyu, hatü kah linghen üpayao nenyuang;

JOB SHAHSHA APPÜ 37:18

Büpai kei nyiam kei vaanshi nüngi vangshangthü paanei deishih aoküla?

ISAIAH 37:16

“Oh Jeiyong Shembüpa, Israel Kahvang, cherubim nyi aa kü hon uoshing kü uopüba, nüng monha kahdoknyü ongchingthü peü shak kü Kahvang. Nüngi kahdoknyü hatü vangsho lingpeih.

JEREMIAH 10:16

Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

1 SHÜPPÜKENGPÜ 16:26

Mehenangkü jatthülei kahvangthü kemei lajei monha, shejao Shembüpai vangshothü lingpeih.

MENVIH KESHO 65:7

Nüngi yungching ngüngpü, yungmok ngeü hatü jatthü moppücheüpü dohtükhü.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.