JEREMIAH 1:18 - DAÜLANGPÜ LAIHING (BSI)

¹⁸ Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

JEREMIAH 1:18 Referans Kwoze

ISAIAH 50:7

Shembüpa Kahvangi ngei kü sheühnyeih, hanangkü ngei veü nepong. Hanangkü ngei ngelei dhe yaonglang kei leitükpeih, hatü ngei veü neponghühen shei nyingnyüpeih.

JEREMIAH 15:20

Ngei nüngü hathü nanglak shingvaishi bham hük, melangnyiami showtükpü bham leihühen. Jomi nüng khüei hokhen, shejao nüng kü neneüpih, mehenangkü ngei nüng mü nyüpeih, hatü nüng yanghen shei Shembüpai enyüke.

JEREMIAH 6:27

Ngei nüngü ngelei nanglakthü khongkü jomei lem dokhen shingvaishi nyiam dokei veibü hatü hienbü leihüpeih.

JEREMIAH 37:7

Shembüpa, Israel Kahvangi hapakei enyüke: Ngei kü shah phehen nangkü anji shompü Judah ongpa kü ha etuh; nüng kü sheühhen nangkü viong peih-ei heihküpü Ijip amü shao jomei kahdok yemei leidaihen.

JEREMIAH 38:2

Shembüpai hapakei enyüke: “Üam hapa chingnyülei nyunya, yan, münghishaü nevaijü chami dikemhen, shejao üami Babylonei heihhenshang yangnyu payü yemmü nyuhen.”

JEREMIAH 42:22

Hanangkü shaang ha nyingtuh: Am daiyei chingchingei nyupüthü shingei yan, münghishaü hatü chami dikemhen.”

JEREMIAH 34:3

Nüng büpalei lakmong kübü neyangaokpih, shejao hingmei hahtükhen hatü büpalei lak kü shuohtükhen; nüngi Babylon ongpa nüngei müki lekei eehen, hatü büpa mü dhe dhe gongei eteihen; nüng Babylonei daishasha.

JEREMIAH 21:4

“Zedekiah kü Shembüpai hapakei enyüke shei etuh: Bham haolei am kü shümei nyupü Babylon ong hatü büpalei nanglakthü khüei ammi noshi nyupü vehok phunglang kemei am khüei ngei leitükhen, hatü ngei hathü chingnyü mongei thaihühen.

JOHAN 1:42

Büpai Jisu touei büpa müei dei. Jisui büpa kü veitü, “Nüngü Johanei cheha Simon. Nüng kü Cephas, (lappai, Peter) shei nyükhen” shei eteke.

JEREMIAH 38:18

Shejao Babylon ongpalei lakchongbüthü touei shakei nevamjema, hapa chingnyü Babylon am kü shuohtükhen, hatü hapa chingnyü awi shamtükhen; jomei lak leipü nüng dangkao neyangpih’ ” shei e.

SHAKEI VAMPÜ 3:12

Ammi vehok neüjema, ngei amü ngelei Kahvangei phopshemei shemnyü hük leihühen; am haleipü vamei nedaihen. Ngei am kü ngelei Kahvangei men hatü ngelei Kahvangei chingnyü men nyanghen; hayü vangsho leipü vamei ngelei Kahvang leipü yiüpü ja Jerusalem hatü ngelei men ja nyuhen.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

JEREMIAH 1:19

Jomi nüng khüei hokhen shejao jomi nüng neneü-aokhen; mehenangkü nüng yanghen ngei nüng mü nyüpeih” shei Shembüpai eteke.

JEREMIAH 15:10

Onyükei! Mehekei onyüi ngei hapa kahdoknyü kü büh-ei tuhphongpa? Kahdok kü nyupüthü peü mü dehen, shah dakteihen mü vamteke. Ngei mih kü lop nelushuoh, nevaijü ngei luhahpüyao neshiüpih, shejao peüi ngei kü thaüvaünyüke.

JEREMIAH 26:24

Shejao Shaphanei cheha Ahikami Jeremiah khüambakpü nangkü büpai nanglakthü kü jühen neshuoh.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.