JEREMIAH 1:17 - DAÜLANGPÜ LAIHING (BSI)

¹⁷ Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

JEREMIAH 1:17 Referans Kwoze

1 ONGPATHÜ 18:46

Shejao Shembüpalei ngan Elijah kü pei, hatü büpai büpalei ashak shüng kü wongei hintü Jezreel thahshi Ahab she yeiyei mok.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

LUK SHAHSHA APPÜ 12:35

“Dou dükhen temtüktü nyutuh, awdük jakei tuhtuh.

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

MÜLANGPÜ 7:2

Ngei nüng kü epü lemphüli anjei Aaron kü eyeishuoh hatü büpai Pharaoh kü büpalei kahdok kübü Israel am leishihtuh shei eshuohkahen.

JOB SHAHSHA APPÜ 38:3

Shennyak keiha nüngi shünglok loktuh; ngei nüng kü phehen hatü nüngi ngei kü jangshih.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

PHONGSHANTHÜ DOU 20:20

Am kü sheühhen kü lemhükao shümei netuhlangi am kü shahjangmei ngaiheyei nyuh-ei shem shem leiyao nyutepih.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

1 KORINT 9:16

Ngei shahjangmei baongjema, ngei changmeihen laphen neshiü; mehenangkü chongvenhenü ngei kü nangtükpü dou, hatü ngei ha shahjang meipü nevenjema ngei onyükei!

JONAH 3:2

“Layaongtuh, hatü chingnyü longpü Ninevehlei daituh, hatü ngei nüng kü shuohpü shahjang nanglakthü kü veneishuoh.”

JEREMIAH 17:18

Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

2 ONGPATHÜ 4:29

Büpai Gehazi kü, “Shünglok loktuh hatü ngelei lenshuoh notü leituh. Lemei nüngi mih heüjü shah eteiyei tenyu; mih-i nüng kü hangphüjü shah teleitei. Ngelei lenshuoh hapa naüei dhe kü haüeishuoh” shei e.

1 THESALONIKA 2:2

shejao ham shangpongjao hatü Philippilei veüshi nemei-i dükphüjao jenei Kahvang kü khüpü longi nyujao Kahvangei shahjangmei am kü baonghen monglongshi nyupü ammi nyingei nyüke.

2 ONGPATHÜ 9:1

Hahepak kü Elisha thibüi thibüthü khong kübü thibü hük nyükei büpa kü, “Shünglok loktuh, hatü hapa mainga shong yah-ei Ramoth-Gileadei daituh,

2 ONGPATHÜ 1:15

Hahepak kü Shembüpalei phongshani Elijah kü, “Büpa mü leituh, nüngi büpa kü tenyem” shei e. Hanangkü Elijah-i layaongei büpa mü ongpa touei lei,

JEREMIAH 1:18

Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

JEREMIAH 26:2

Shembüpai hapakei enyüke: Shembüpalei shahphen shingei yaongtuh, hatü Shembüpalei shemei khümnüng peipü Judah jilathü kübü nanglakthü kü ha etuh. Ngei nüng kü epü lemphü eyeishuoh; shah phahükao te-am.

JEREMIAH 26:12

Hahepak kü Jeremiah-i lakchongbüthü hatü nanglakthü peü kü eteke: “Hapa phopshem hatü hapa chingnyü khüei ngei eyei ammi danpü shahthü peü teteivanei ehen shingvaishi Shembüpai ngei shompeih.

JEREMIAH 36:8

Neriahlei cheha Barukh kü Jeremiah thibüi eshuohpü lemphüli dük; phopshemei büpai hapa laidü kübü Shembüpalei shahthü ie.

YOUNG LAI 3:57

Ngei nyükshingkü nüngi ngei yopailei pei, hatü, “Tenyem!” shei nüngi ngei kü epeih.