JEREMIAH 1:16 - DAÜLANGPÜ LAIHING (BSI)

¹⁶ Jomei mang homei ngei yakphongpü nangkü ngei jom khüei shahphenhen; jomi lebü kahvangthü kü moila shuoh-ei jomei laki linghahpü lajeithü kü khümteke.

JEREMIAH 1:16 Referans Kwoze

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

PHONGSHANTHÜ DOU 7:41

Hahepak kü jomi mohoh cheha hük ling, lajei kü jakpü moila shuoh, hatü jomei laki linghahpü lajei kü dhüm huei mongongtei.

ISAIAH 2:8

Jomei kahdokü lajei mon maei nyüke; jomi jomei laki lingpü douthü kü aümei khümnyüke.

SHAHKÜP 28:20

Ten dükpü nangkü amphong lomi hatü chemjalak kü mangmahdai thahshi Shembüpai ammei lakdou peü kü thaüvaü, podongpolong hatü shanghah shomphahen.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

HOSEA 8:6

Hathüyü Israel leipü nyüke! Lajei lingbüi lingteke; hayü Kahvang nevai. Samaria amei mohoh lajeiyü khih mü nihtükhen.

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

JEREMIAH 4:12

ha shingvaishi ahshi wong kohshi. Jom khüei shahphenpeyü ngei hih.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

2 ONGPATHÜ 22:17

Mehenangkü jomi ngei yakphongtü lebü kahvangthü kü moila shuoh-ei khümpeih, hatü jomei laki lingpü lajeithüi ngei mongshihhüpeih; hanangkü ngei mongshihpü aw kei bahhen, hatü hapa nemethen.

JOSHUA 24:20

Ammi Shembüpa yakphongtü lebü kung amei kahvangthü chongphojema, büpai shelei am kü meipü düklangmao am kü shanghah yahphahen hatü li mahtükhen” shei e.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

EZEKIEL 24:14

Ngei, Shembüpai etepih; ngei dou dükhen hepak ngoiteke. Ngei lak neyünghen, ngei lak neshih-i neaophonghen, hatü ngei nejü-üi dükhen. Nüngei lemthü hatü douthü aimü ngei shahphenhen shei Shembüpa Kahvangi enyüke.

JEREMIAH 51:17

Shennyak peü sholi neshiüi, hatü kon neshiüi nyüke; Hon shükpüthüi laophüi linghahpü lajei kü-üng veünyüke. Büpalei lajeithüyü shahshem, hatü hathü kü yangnyu ngü neshiü.

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

JEREMIAH 15:6

Ami ngei yaktükpeih” shei Shembüpai enyüke. Ammi mang thah-ei mon nyunyüke. Hanangkü ngei am kü lak shihhen hatü mahtükhen; Ngei hajük kü neshinshangpih.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 11:12

Judah jilathü hatü Jerusalem nanglakthü daiyei jomi ayingshü jakei khümpü kahvangthü kü nyükhen, shejao shanghah dhaümshing kü hathüi lanshei nesheühhen.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

JEREMIAH 5:29

Henüng keipü douthü kü ngei jom kü hanghi neshuohhen je? hatü hapa keipü jat kü ngei bhüh neyemhen je? shei Shembüpai enyüke.

JEREMIAH 5:9

Henüng keipü douthü kü ngei jom kü hanghi neshuohhen je? shei Shembüpai enyüke. Henüng jatli kü ngei bhüh neyemhen je?

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

JEREMIAH 2:17

Büpai nüng müyaki nüngi Shembüpa, nüngei Kahvang yakphongpü nangkü laophü nyingi koei leihahpü nevaipü je?

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

ISAIAH 65:3

düngei ngelei dhe kü ngaakshi epüthü, pemongei moila shuohpüthü, hatü lebü kahvangthü kü ayingshü jakei khümpüthü,

ISAIAH 44:15

Hapheikü büpai hapayü pü vaishi aw kü jaktü aan lingnyüke. Shao büpai hanei yah-ei kahvang lingtü hapa kü aümei khümnyüke.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

2 SHÜPPÜKENGPÜ 7:19

Shejao ngei nüng kü shuohpü shahkung hatü vanglemthü yakphongtü lepei daiyei lebü kahvang chongphoei khümjema,

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

JEREMIAH 2:28

Shejao ammi linghahpü kahvang melei nyüpa? Am shanghahpü hepak kü jomi aokjema peiyei am nyemyangpha; ammei jilathü meshük nyu, hajük ammei kahvangthü nyüke, Oh Judah.

JEREMIAH 10:3

Mehenangkü hathü nanglakthülei vanglemü yahlak neshiü; jomi phaü leipü pü agnyüke, hatü mistrithü peikha noshi ha shangnyüke,

2 SHÜPPÜKENGPÜ 28:2

Büpai Israel ongpathülei lem kü kam, hatü Baal kahvangthü kü khümhen lajei shükteke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 7:17

Jomi Judah jilathü hatü Jerusalem chingyangshong kü mehe düknya, nüngi ha eenyüla?

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

EZEKIEL 16:18

ami hoitükpü ashak yah-ei hathü kü jüm, hatü ngelei mainga hatü ayingshü hathü touei haüpeih.