JEREMIAH 1:15 - DAÜLANGPÜ LAIHING (BSI)

¹⁵ Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

JEREMIAH 1:15 Referans Kwoze

JEREMIAH 43:10

Hapheikü jomphong kü, “Jeiyong Shembüpa, Israel Kahvangi hapakei enyüke” shei etuh: Ngei ngelei chongphobü Babylon ongpa Nebukadnezzar shomhen hatü hatouei ngei dungei tuhpü yaong shangkü büpai ong uoshing linghen, hatü büpai ongshem vehen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 39:3

Mechem Jerusalem hahpa, Babylon ongpalei lakchongbüthü peü peiyei Jiam Peshaden touei uo: Nergal-Sharezer, Samgar-Nebo, Sarsekem lakchongbü shopü, shao lebü Nergal-Sharezer lakchongbü longpü hatü Babylon ongpalei lebü lakchongbüthü omshi pei.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

ISAIAH 22:7

Ammei kahji meipüthü kü koyei kharithü mon maei nyuteke, hatü koyei veshanthüi chingnyü penyüsha khüamlang;

YOUNG LAI 5:11

Zion kü nyühathü yepei yahnyüke, hatü Judah kü shüei yahlangkemnyüke.

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,

JEREMIAH 25:28

Shejao jomi nüngei lak leipü yiüshong yah-ei neying-ü shei eküjema, nüngi hathü kü Jeiyong Shembüpai hapakei enyüke shei etuh: Ammi ha yinghen vongbong!

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

JEREMIAH 4:6

Zion lemei dailem hueishuoh, nepheidai-i yanglem yemei nyaidaituh, mehenangkü ngei apshaphi leipü shanghah, hatü benpülangpü koei peikünyeih.

JEREMIAH 13:20

Ngangei veituh, hatü apshaphi leipü peiküpüthü kü veituh. Nüng kü shuohpü nethe meipü mithü melei daipa?

JEREMIAH 34:1

Mechem Babylon ongpa Nebukadnezzar hatü büpalei veshanthü hatü büpalei ongching phang kübü nanglakthüi Jerusalem hatü hapa kü shonpü jilathü khüei hokei nyupa, Shembüpa leipü hapa shah Jeremiah touei peiteke:

JEREMIAH 46:24

Ijip nela veühühen, hatü apshaphi leipü shennyakthü kü shuohtükhen.

EZEKIEL 32:30

Apshaphi leipü vanglem lembüthü peü, hatü Sidon am peü halei nyüke; jomei wongi nyemhihan vamhüei nyujao mongkü tüngshi mahpüthü mü vüei nyüke. Jomphongü yani mahpüthü mü laophülei veü kotü kahshalei shüdaipü nejaptükpüthü mü lemshi nyüke.

JOEL 2:20

Ngei am toueipü apsha kübü vepa taishi changtükphahen; Jom hanei bhih kahdokei changtükhen. Shelei shaongpüthü Dipü Yungchingei, hatü ngaümpheilei müpüthü peü Mediterranean Yungchingei hüngtükhen. Jomei büm peü shehen hatü shie büei aonghen. Hingmei büpai dou longpü dükteke.

ZEKHARIAH 6:6

Koyei nyakla-i müpeyü apsha philei daiteke; koyei shola-i müpeyü heshü philei, hatü ampüshangpü koyei-i müpeyü pehe philei daiteke.