JEREMIAH 1:12 - DAÜLANGPÜ LAIHING (BSI)

¹² Hahepak kü Shembüpai ngei kü, “Nüngi jiüshi eeteke; mehenangkü ngei ngelei shah jiüshi dhaümkahen veinyüpeih” shei e.

JEREMIAH 1:12 Referans Kwoze

EZEKIEL 12:28

Hanangkü Shembüpai hapakei enyüke shei hathü kü etuh: “Hajük kü ngelei shah hükao nedhaümi nenyuhen, shejao ngei epü peü jiükahen shei Shembüpa Kahvangi enyüke.”

EZEKIEL 12:25

Shejao ngei, Shembüpai mehe ehünya, ha ehen hatü ha nephei-i dhaümkahen. Mehenangkü ammei nyih kü-üng, Oh dokteikhaungkheipü jatli, ngei mehe enya, ha jiühühen, shei Jeiyong Shembüpai enyüke.

LUK SHAHSHA APPÜ 10:28

Büpai büpa kü, “Nüngi jiüpü shahnyok shuohteke, ha düktuh, shejema nüng yem nyuhen” shei e.

AMOS 8:2

Shembüpai ngei kü, “Amos, nüngi mehe eenyüke?” shei phe, hatü ngei, “Betjükshüm mühdow hük eenyüke” shei e. Hahepak kü Shembüpai ngei kü, “Ngelei nanglak Israel am shingvaishi dohpü ngoikünyüke; Hajük kü ngei jom neyangpih.

SHAHKÜP 5:28

Mechem amphongi ngei mü eteipa, Shembüpai ha danei ngei kü büpai ephüteke, “Nanglakthüi mehe nüng kü epa, ha ngei dantepih. Jomphongi epü lemphü meiangke.

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

SHAHKÜP 18:17

Hanangkü Shembüpai ngei kü, “Jomphongi epeyü meiangke” shei ephüteke.

LUK SHAHSHA APPÜ 20:39

Hahepak kü shahkung nyühbüthü hanei ami, “Nüngi meishi eteke” shei e.

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

JEREMIAH 1:13

Shembüpalei shah shao ngei touei nyipabü peiyei, “Nüngi mehe eenyüke?” shei e, hatü ngei jangei, “Ngei laukpü dük hük apsha philei meeshi eenyüke” shei e.

ISAIAH 55:11

Ngelei ju kübü vamei epü shah kong mü nyokei neleikahen, shejao ngei mehe dükhen tem, hapa jiükahen, hatü mehe shingvaishi hapa epa, ha kü aokpü danghen.

JEREMIAH 24:3

hatü Shembüpai ngei kü, “Jeremiah, nüngi mehe eenyüke?” shei eteke. “Adhajük, meipü adhajükü longi meishi, hatü nemeipü adhajükü longi nemei-i, nehah-aokhen mü eenyüke” shei ngei eteke.