JAKOB 5:7 - DAÜLANGPÜ LAIHING (BSI)

⁷ Hanangkü jeihinaüthü, Shembüpa mangyiü thahshi nenteiaokei dantuh. Kahling ami kahdok leipü hahying vamjapü dannyeih hatü shongpü hatü nyipabü vang keipü omdannyeih.

JAKOB 5:7 Referans Kwoze

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

SHAHKÜP 11:14

ammi hahying, yiü hatü mainga bhashahshi danghen shingvaishi ammei Kahvangi hepak vangpan jiüshi banghilem kü vang keiphahen.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

HEBREW 6:15

hatü hapa keiha Abrahami munenei danpü nangkü hapa lahpü dangpeih.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

GALATIA 5:5

Mehenangkü Laangha homei hinglempai jeni daülangshemshepü monglem omdanei nyunyeih.

JEREMIAH 5:24

Jomi jomei mongkü, “Jeni Shembüpa, jenei Kahvang kü nyemshah, büpai jen kü dühü ieyei kü vang shomnyeih; Ünyü hatü lem hepak kü vang shuohnyeih; hatü hah vethen hepak itei shuohnyeih.

1 THESALONIKA 2:19

Mechem Shembüpa Jisu yiühenshang, büpa touei hamei monglem, hamei mongong nevaijü ham müknyinshekhanghen hamei athen mehe nyuhen? Hayü amphong nevaipü je?

MATHI 24:44

Hanangkü amphongao temei nyutuh; mehenangkü nedeihpü hepak kü Shennyak Ha yiükahen.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

MATHI 24:27

Mehenangkü heongphi leipü klang nyepei heshü thahshi vangngaipü keiha Shennyak Ha peipü nyuhen.

ROM SHAHSHA APPÜ 15:4

Mehenangkü nenteiaokpü homei hatü Laihingi mongnang thongpü homei jen monglempü nyuhen nangkü mepa mepa shelei nyang, hayü jen kü nyuhhen nangkü nyangpeih.

ZEKHARIAH 10:1

Bang hepak kü SHEMBÜPAleipü vang yütuh; Phumi vang leihüpeyü büpa nyüke. Büpai hangkuli kü vang shuohnyüke, hatü peüei kah kü sheili kohhünyüke.

2 PETER 3:4

hatü jomi, “Büpa yiükahen lahpü melei nyüpa? Jenei bühipathü dikemteke, shejao chongpangpülei lingpü lakshing lemphüli shaang thahshi dainyüke!” shei enyüke.

1 THESALONIKA 1:3

jenei Kahvang hatü Pa touei ammei hinglempü dou, bampü dou, hatü jenei Shembüpa Jisu Khrista kü wongshongi monglempü deih-ei dangnyeih.

1 KORINT 1:7

Hanangkü jenei Shembüpa Jisu Khrista shakei vamküpü omdanpai am laangha thintho mepayao taoei nenyu.

LUK SHAHSHA APPÜ 21:27

Hahepak kü jomi Shennyak Ha ngan hatü müknyinshekhang kü phum shang kü yiüpü eehen.

LUK SHAHSHA APPÜ 18:8

Ngei am kü enyeih, büpai shülangi jom kü shahhing shahphenhen. Mechem Shennyak Ha peihen, büpai kahdoknyülei hinglempü eehen je?”

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

JOHAN 21:22

Jisui büpa kü, “Ngei yiüpü thahshi büpa yemmü tuhjao nüngi ha mehe vainüng? Ngei phei mükei” shei e.

JOHAN 21:23

Hanangkü hapa nanglom nedihenja shei jeihinaüthü khongkü shahjang yanteke. Shejao Jisui büpa nedipih shei büpa kü ne-e, shejao “Ngei yiüpü thahshi büpa yemmü tuhjao nüngi ha mehe vainüng?” shei mon eteke.

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

JAKOB 5:3

Ammei hon hi ngin kü diü hetdaiteke, hatü hathü diü am khüei denpü nyuhen, hatü hapai awi kei ammei phai hahtükhen. Ammi dohpü nyihthü shing mop jaoei tuhteke.

JAKOB 5:10

Jeihinaüthü, shangpongpü kü munenpü lappü vaishiyü Shembüpalei men kü epü thibüthü yahtuh.