JAKOB 5:20 - DAÜLANGPÜ LAIHING (BSI)

²⁰ Ha deih-ei dangtuh: Üami mang shennyak hük lemnyong kübü müei leihenshang, ha mang shennyakei laangha dihen kübü yanglanghen, hatü mang longi küpei tuhtüknyeih.

JAKOB 5:20 Referans Kwoze

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

KANDOK 10:12

Jiühitpai dehilao vamhünyeih, shejao bampai ten peü jümlangnyeih.

1 TIMOTI 4:16

Nüngi laophülei yangnyu, hatü nüngi nyuhpüvenpü kü kenhingtuh. Hathü dou nedoh-i düktuh; mehenangkü nüngi hathü dükjema, nüng hatü nüngi epü bangpüthü nyiphen yanghen.

ROM SHAHSHA APPÜ 11:14

hapayü ngelei nanglaki mükhühhühen hatü jom hanei dangkao yanghen.

KANDOK 11:30

Daülangpüthülei betjükü yangnyu pü; hatü üpai laangha müei leinya, büpayü kon kohpü.

JAKOB 5:19

Ngelei jeihinaüthü hatü nyahinaüthü, am hanei shahhing kübü yanei lüdaijema, hanei ami büpa müei leihen vongbong.

JAKOB 1:15

Hapheikü laophüi yahhahhüpai büm nekongi leipheikü hapai mang bühnyeih; hatü hapa mang mechem lomei longhen, dipü bühnyeih.

1 KORINT 9:22

Wong nekohpüthü müei leihen shingvaishi wong nekohpüthü touei ngei wong nekohpü am kei leipeih. Mehe vaihen vaijao hanei am dangkao yanghen nangkü ngei nanglak peü touei lemphü kei leipeih.

KANDOK 11:4

Mongshihpü nyih kü mopü nanglei neshiü, shejao daülangpüthüyü dipü kübü yangdainyeih.

MENVIH KESHO 32:1

Üami mang tükpü dang, üamei mang küptük, jom moihiman.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

KANDOK 10:2

Shahhing ne-e-i dangpü mopü nanglei neshiü, shejao daülangshemshepai dihen kübü yangnyüpeih.

PHILEMON 1:19

Ngei, Pauli ha ngelei laki nyangphünyeih: Ngei ha shemhen; nüngei yangnyui ngei touei mehe shemhen nyu, ngei ha jung meheyao ne-enyih.

SHAKEI VAMPÜ 20:6

Shongpü yangei leipü khongkü hean yahpüthü moihiman hatü daülangpü. Jom shak kü nyipabü dipülei ngan neshiü, shejao jomü Kahvang hatü Khristalei ngongpathü vaihen, hatü jomphongü Khrista mü bong haja hük vanglem lemhen.

KANDOK 17:9

Üpai mih kü mang tüknya, bampü longhünyeih, shejao üpai bhüh yemhen mon deihnya, küphü mü khaat dangnyüpeih.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.