JAKOB 5:11 - DAÜLANGPÜ LAIHING (BSI)

¹¹ Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

JAKOB 5:11 Referans Kwoze

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

MÜLANGPÜ 34:6

Hatü Shembüpai büpa shekü, “Shembüpa, Shembüpa, phahjipü hatü shinshangpü Kahvang, mongshih youngmü anpü, hatü bampü hatü monglempü kü den ngoipü.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

JOB SHAHSHA APPÜ 2:10

Shejao büpai pinnyü kü, “Nüngü nganyüi epükei ekünyüke. Jeni Kahvang leipü mei mon yahtü nemeipü neyahhen je?” shei e. Hathü peü pongjao Jobi büpalei jui mang nethah.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

LUK SHAHSHA APPÜ 6:36

Ammei Pa phahjipükei amao phahji hutuh.

YOUNG LAI 3:22

Shembüpa bampü longpü, mechemao dohpü neshiü, büpa phahji yahyang longpü mechemao nekemdainyih.

MENVIH KESHO 103:8

Shembüpayü shinshangpü, hatü phahjipü, mongshihhen youngmü, hatü bampü kü bhashahshi nyüke.

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

HEBREW 10:39

Shejao jenphongü ngaümpheilei shinei leiyei mahdaipüthü nevai, shejao hinglemei yangpüthü nyüke.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

EPHESIA 2:4

Shejao Kahvang, üpa phahjipü kü shemmei nyüpa, büpa bampü longpü mepai jen kü büpai bam, ha homei,

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

1 SHÜPPÜKENGPÜ 21:13

Davidi Gad kü, “Ngei longi mongshangnyüke. Shejao ngeiyü shennyakei lak kü nelomohhüang. Shembüpa, büpaiüng ngei kü hanghi nyemyahpha; mehenangkü büpayü phahjinyeih” shei e.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

LUK SHAHSHA APPÜ 1:50

Büpalei phahjiyü büpa kü nyempüthü shing hüdenhalenshi nyüke.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

ISAIAH 63:7

Shembüpalei phahji yahyang douthü jung ngei ehen; Büpai ham kü dükpü lemphüli shingvaishi ngei büpa kü menvih shuohhen. Büpai Israel nanglakthü kü longi moihimanteke, hatü phahji longi huteke.

CHONGVENBÜ 7:8

Lemphüli pangpü leimeyü dohpü-üng meipüba, hatü changmeipü leimeyü nenteiaokpü-üng meipüba.

MENVIH KESHO 119:132

Nüngei men kü bampüthü kü nüngi noteipükei ngei lemei lepkei, hatü ngei kü phahjishih.

MENVIH KESHO 116:5

Phahjipü hatü daülangpeyü Shembüpa; jenei Kahvangü phahjinyeih.

MENVIH KESHO 103:13

Pa-i hapeüthü kü kenpü keiha, Shembüpai büpa kü nyempüthü kü bamnyüpeih.

MENVIH KESHO 94:12

Nüngi lohshuohpüthü mongong, Oh Shembüpa, nüngi nüngei shahkung nyuhshuohpüthü mongong.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

MENVIH KESHO 37:37

Eela neshiüpü shennyak kü veishi nyutuh, kangshangpü am kü veihümao; Chingmei kohpü shennyakei hüshompheinaü nyüpeih.

JOB SHAHSHA APPÜ 23:10

Shejao ngei daipü lemshong peü büpai nyingnyeih; mechem büpai ngei kü dokhen, ngei hon keiha leidaihen.

JOB SHAHSHA APPÜ 1:2

Büpalei yeshang jom nyet, yiükha jom jem thahshi nyu.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

DANIEL 9:9

Hami büpa khülangmao Shembüpa, hamei Kahvangü phahjipü hatü mang tükpü nyüke;

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MENVIH KESHO 51:1

Nüngi bampü shangshi ngei kü phahjishih, Oh Kahvang; nüngei phahji yahyang shangshi ngelei mang thittükshihma.

NEHEMIAH 9:31

Shejao nüngei phahji yahyang homei nüngi jom nedohtük nevaijü neyakphong; mehenangkü nüngü phahji yahyangpü Kahvang.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

LUK SHAHSHA APPÜ 11:10

Mehenangkü yüpü peüi dangnyeih, hatü yempü peüi dangnyeih, hatü kaongpüthü peü kü apshuohnyeih.