JAKOB 4:8 - DAÜLANGPÜ LAIHING (BSI)

⁸ Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

JAKOB 4:8 Referans Kwoze

MENVIH KESHO 145:18

Büpa kü nyükpüthü peü; shahhing kü büpa kü nyükpüthü peü touei Shembüpa yopailei nyüke.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

ZEKHARIAH 1:3

Jeiyong Shembüpai hapakei enyüke shei eyeishuoh: “Ngei touei mong lepei leikei, hatü ngei am touei lepkahen” shei Jeiyong Shembüpai enyüke.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

HEBREW 7:19

(mehenangkü shahkungnyüi meheyao changpüshapü neleihüang); hatü phihükei meipüba monglem hük vamteke, hapa homei jen Kahvang yopailei peinyüpeih.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

MENVIH KESHO 73:28

Shejao ngei shingvaishiyü Kahvang yopailei nyupü-üng meipeih; Nüngei douthü peü ehen nangkü ngei Shembüpa Kahvangü ngelei loishing vaihüpeih.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

MATHI 12:33

Meipü betjükpü sheituh, shejema hapalei betjük meishi chongkahen; nemeipü betjük pü sheijema hapalei betjük nemei-i chongkahen; mehenangkü pü hükü hapalei betjük homei nyingnyüpeih.

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

MENVIH KESHO 24:4

üam lak hatü mongdang daülangi nyu; üami pü lajei kü nekhüm, nevaijü shahshemi nelahnya, hathü yaongaokhen.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

MENVIH KESHO 18:20

Ngei daülangshemshepü aimü büpai ngei kü laklei shuoh; ngelei lak daüshi nyupü aimü büpai ngei kü moihimanpeih.

JAKOB 1:8

büpayü mong nyi kohpü, büpai dükpü peü kü shing nenüngpü shennyak.

MENVIH KESHO 26:6

Ngei pungpü neshiü shei lak hühtüknyeih, hatü nüngei moidü shinei dainyeih, Oh Shembüpa.

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

KAHBHAO 18:23

Hahepak kü Abrahami yopailei heihtü, “Nüngi daülangpüthüao mangthü mü mahtükhen je?

JOB SHAHSHA APPÜ 16:17

shejao ngelei laki ten düktükpü neshiü, hatü ngei phoppü daülangi nyüpeih.

MATHI 15:2

“Nüngei nanglomthüi bühipai nyuhpü vanglem mehekei mangnya? Mehenangkü jomi nük hahshekü lak nehühnyu” shei e.

JEREMIAH 4:11

Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

JOB SHAHSHA APPÜ 9:30

Ngei sapon shih-ei hangha lakjao, hatü ngelei lak shüyung yah-ei hühlangmao,

ISAIAH 13:15

Üami mih-ei laki yephahhenshang phungi hümhahhen, üami yephahhenshang, yani mahhen.

MENVIH KESHO 73:13

“Angsha kü ngei daülangi nyuhampü khih; hatü mang nethah-i nyuhampü khih.

MATHI 27:24

Hanangkü mechem Pilati meheyao nedükaokhen khih shei nyingpa, shejao mophicheü pangdainyu khih shei veiaokpa, büpai yung maani yah-ei khong touei lak hüh-ei, “Hapa shennyak dipü mang ngei nekohen; ammi mongpükei dükpü vaite” shei e.

1 SAMUEL 14:35

Hapheikü Sauli Shembüpa kü moidü hük ling, hatü hapayü büpai Shembüpa kü lingpü shongpü moidü nyuteke.

MENVIH KESHO 119:113

Ngei mong nyi kohpü am kü jiühitnyeih, shejao ngei nüngei shahkung kü bamnyeih.

ISAIAH 58:2

Mechem shangao daülangshemshepü düknyüpü jat keiha, hatü jomei Kahvangei shahkungthü neyakphongnyüpü keiha, nyihjeih jomi ngei yemnyüke, hatü ngelei lemthü nyinghünyüke; Jomi ngei kü shahhing shahphenpü nang phenyüke, hatü jomi Kahvang yopailei peihünyüke.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

YOUNG LAI 3:57

Ngei nyükshingkü nüngi ngei yopailei pei, hatü, “Tenyem!” shei nüngi ngei kü epeih.