JAKOB 4:7 - DAÜLANGPÜ LAIHING (BSI)

⁷ Hanangkü am nyingi Kahvang kü lanei shuohtuh. Shepe khangei yaongtuh, hatü büpa am toueipü nyaidaiphahen.

JAKOB 4:7 Referans Kwoze

EPHESIA 4:27

hatü ammi kahshih kü shing temei teshuoh.

1 PETER 5:6

Hanangkü Kahvangei laklu wong longpü phangkü am maanpü leituh; shejüang hepak jiüpü kü büpai am longei anshihhen.

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

ROM SHAHSHA APPÜ 10:3

Mehenangkü Kahvang leipü peipü daülangshemshepü nenyingi laophülei daülangshemshepü linghen yempü nangkü jomi Kahvangei daülangshemshepü neyahnyu.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

JOB SHAHSHA APPÜ 1:21

hatü eteke: “Nyüei vom mongeipü ngei bümkong pei, hatü ngei bümkong haleipü daihen. Shembüpai shuohteke, hatü Shembüpai yahlangteke; Shembüpalei men longtuh.”

2 SHÜPPÜKENGPÜ 30:8

Ambü ampa keiha am mong tevaan; Shembüpa touei maanpü leituh. Büpai den shing daüei tuhpü phopshemei peikei. Am toueipü büpalei mongshih yahlangphahen nangkü Shembüpa, ammei Kahvang chongphotuh.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

EPHESIA 5:21

Khrista kü dhüm shuohpü homei am hüki hük phangkü shüteituh.

1 PETER 2:13

Shembüpalei men kü hangku shak kü vanglem lempüthü phangkü nyutuh; peü mü longpeyü ongpa vaihütuh,

2 SAMUEL 15:26

Shejao büpai, ‘Ngei nüng kü mong nehahnyih’ shei ejema, büpa kü mehe mei büpai ha ngei kü nyemdükpha; ngei temei nyüpeih” shei e.

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

MENVIH KESHO 68:30

Bhuknyü yingei nyupü yemthü kü; hatü mohoh chehathü mü baongthü haümpü jatthü kü loh-eishuoh. Bom yahhen kenpüthü la phangei shouptüktuh, vehok lümpü nanglakthü yantükkemtuh.

1 SAMUEL 3:18

Hanangkü Samueli meheyao nejo-i büpa kü lemphüli eshuohteke. Hahepak kü büpai, “Hapayü Shembüpa mong khih; büpa kü mehe mei, ha nyemdükpha” shei e.

JEREMIAH 13:18

Ongpa hatü chenyü nyi kü, “Ong uoshing kübü shühdaituh; mehenangkü nethe meipü ong athen shangjing leipü vüdaiteke.

ROM SHAHSHA APPÜ 14:11

Hapa nyangei nyüke: “Ngeiyü hingmei mü yemmü nyupü Kahvang shei Shembüpai enyüke. Peüi ngei touei lashüh-i shüngei aümei shahen; yei peüi Kahvang lahhen.”

PHONGSHANTHÜ DOU 26:19

Hanangkü, Agrippa ongpa, ngei hapa pheikü vangsho amei manghkhang ven nedani nenyuangpih,

PHONGSHANTHÜ DOU 9:6

Shejao yaongtuh, hatü chingnyülei aongtuh, hatü nüngi mehe dükhen nüng kü ephahen” shei e.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

EPHESIA 6:13

Hanangkü hapa nemeipü nyih kü am khangei yaongaokhen shingvaishi Kahvang phunglang ow kemei owtuh, hatü lemphü dükpheikü wong kohshi yaongtuh.