JAKOB 3:15 - DAÜLANGPÜ LAIHING (BSI)

¹⁵ Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.

JAKOB 3:15 Referans Kwoze

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

1 KORINT 3:19

Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

1 TIMOTI 4:1

Pheilei hanei ami vaipü tuhphongtü lupülempü laanghathü hatü shepe-i nyuhpüvenpü kü mong shuoh-ei mühen shei shaang Laanghai ngaiheyei enyüke.

JUD SHAHSHA APPÜ 1:19

Hapayü Laangha neshiüpü kahdoknyü shennyakthüi hanteipanteipü vamhünyüke.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 9:11

Jomei ongü shaongdoh neshiüpü kahshalei vangsho phongshan nyu, hatü büpalei menü Hebrew shah mü Abaddon, hatü Greek shah mü Apollyonf nyüke.

SHAKEI VAMPÜ 2:24

Shejao am Thiatiralei nyupü lebüthü üami hapa nyuhpüvenpü kü neshoung, hatü üami “Kahshihlei chülohpü doujo” shei ehen nenying, am kü ngei enyeih, ngei am kü lebü hanggovih meheyao nekohüpih.

2 THESALONIKA 2:9

Shahkung benpü hükü Satanei ngan notü lemphüli shahshemi yashanyale, nyangeihepü hatü thamapü douthü dükkahen,

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

1 KORINT 1:27

Shejao Kahvangi nahpüthü veühühen hapa kahdoknyü kü nenying nehingpüthü jepeih, hatü Kahvangi wong kohpüthü veühühen hapa kahdoknyü kü wong nekohpüthü jepeih;

ROM SHAHSHA APPÜ 1:22

Nahpülangpü am shei ehahnyüke, shejao jomü ngapathü leidaiteke;

PHONGSHANTHÜ DOU 13:10

“Nüngü kahshihlei ha, jiüpü lemphülei vepa. Nüng keyü lueilem hatü ühing peü maei nyüke. Kangshangpü Shembüpalei lem kaokeinyomei lingpü nedohhen je?

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

LUK SHAHSHA APPÜ 16:8

“Shahhing ne-epü kheibüi kon kohshi dükpü nangkü shembüi büpa kü vih-ei e; mehenangkü vangngai hathü leimeyü hapa den kübü hapeüthüi kon kohshi düknyüke.

2 SAMUEL 16:23

Hathü nyih kü Ahithopheli epü shahnyingü Kahvangei shah kei yahhamteke. Hanangkü David hatü Absalom nyipheni Ahithophelei shahnyingü vihyaki yah.

2 SAMUEL 15:31

Mechem David kü, “Ahithophelao Absalom mü omshi nyükeja” shei eshuohpa, Davidi, “Oh Shembüpa, Ahithopheli epü shahnyingthü kemei ngashahyoishah leitükhütuh” shei phop.

2 SAMUEL 13:3

Shaang Amnonei mongjempa hük Davidei chenaü Shimeahlei cheha Jonadab shei nyu. Jonadabü longi nahpü shennyak hük nyuteke.