JAKOB 3:14 - DAÜLANGPÜ LAIHING (BSI)

¹⁴ Shejao ammei mongdangei shahyakpü mükhüh mongyung hatü laophü shing mon deihjema, am techangmei, hatü shahhing tenyongtük.

JAKOB 3:14 Referans Kwoze

JAKOB 3:16

Melei mükhüh mongyung hatü laophü shing mon deihpü nyuhenshang, halei benpülangpü hatü lemphü ten nyüpeih.

1 KORINT 13:4

Bampai nenteiaoknyeih; bampai yahyang shinshangnyeih; bampai mük nehühnyih; nevaijü bampai awdaei, nevaijü changmeiyei,

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

PHILIPPI 1:15

Hanei amiyü mükhakpü hatü khüpü homei Khrista jung venteke, shejao lebüthüi mei deihshi venteke.

JAKOB 5:19

Ngelei jeihinaüthü hatü nyahinaüthü, am hanei shahhing kübü yanei lüdaijema, hanei ami büpa müei leihen vongbong.

PHONGSHANTHÜ DOU 5:17

Hahepak kü ngongchong hatü büpa mü sheühteipüthü peüi (Sadduke khongi) mükhakpai mateke.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

1 TIMOTI 6:4

hayü changmeipü, danaokpü neshiüpü shejao venpü shah nangkü shah shükteihüpü hatü dokteihüpü nyüke. Henüng kübü mükhühpü, dehilao, yaüeilungpü, ten kohshi mongnelemteipü,

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

ROM SHAHSHA APPÜ 2:8

shejao üami laophü shing mon yemnya, hatü shahhing yaktüktü mang phei münya, Kahvangi büpalei mongshih hatü mongpuk show laihen.

KANDOK 27:4

Mongshihpeyü ahshi mangshi; lohpeyü longi nemei, shejao mükhüh mongyungpü touei üpa yaongaokhen?

KANDOK 14:30

Mong nyiushem meipai büm kü yangnyu shuohnyüpeih, shejao mükhakmongyungpai vangni shetüknyeih.

2 ONGPATHÜ 10:31

Shejao Jehu-i büpalei mong kempai Shembüpa, Israel Kahvangei shahkungthü nebang; Israel mang thahhüpü Jeroboamei mang kübü büpa neyan.

GALATIA 6:13

Japtükpüthüi dangkao shahkung nebangnyu, shejao jomi ammei phai nangkü changmeinüng shei ammao shuw japhühen deihnyüke.

GALATIA 5:26

Jen hüki hük mü dokteiyei, mükhühteipai changmeiyei neleishah.

GALATIA 5:21

mükhakpü, chokpümokpü, hahngayungpe hatü hakeipü douthü vamteke. Ngei shelei shuohpükei ngei am kü shahvüng shuohnyeih: Üami henüng keipü douthü düknya, Kahvang ongching mükjüp nedangpih.

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

1 KORINT 5:6

Am changmeipeyü doumei nevai. Maanpü daw homei aan kemei paaidainyeih shei ammi nenyingnyu je?

ROM SHAHSHA APPÜ 2:17

Shejao am nyingi Jehoda am shei nyükhahtü shahkungnyü kü mongnyangtü Kahvang mü shenteipü nangkü changmeijema,

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

PHONGSHANTHÜ DOU 26:9

Nazareth am Jisu khüei ngei aokpü thahshi dükhen shei ngei nyingi deihshi nyupeih.

PHONGSHANTHÜ DOU 13:45

Shejao mechem Jehoda ami thaipü khongnyü eepa, jomi mükhakpai ma, hatü Pauli epü kü nyongnyongi lingtü thaüvaüei e.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

MATHI 27:18

Hapayü mükhakpü homei büpa yepei shuohpü khih shei büpai nyingdai.

HABAKKUK 1:3

Mehekei nüngi douten dükpü kü, hatü hanghi kü ngei veihünya? Benpülangpü hatü iy-aongmasha ngei shonei nyüke; dehilao hatü neshetnephen vamei nyüke.

ISAIAH 11:13

Ephraim amei mükhüh mongyung mahdaihen, hatü Judah amei meimongnyahmong dohdaihen; Ephraim ami sheyü Judah am kü mük nehühhen, nevaijü Judah ami Ephraim am mü de nesheüteihen.

JOB SHAHSHA APPÜ 5:2

Hingmei mongshihpai ngapa hük jünyüpeih; hatü mükhühmongyungpai ngashi nyupü am lomohnyeih.

2 ONGPATHÜ 10:16

Jehu-i, “Ngei mü mükei, hatü ngei mekei Shembüpa kü nyakei kennya, veituh” shei e, hatü büpai büpa laophülei koyei khari kü uotü Samarialei leiteke.

KAHBHAO 37:11

Chejeihijei ami büpa kü mükhak, shejao chepai ha nang mongei mon tuh.

PHONGSHANTHÜ DOU 7:9

“Jakobei hapeüthüi shombü Joseph kü mükhüh-ei jomi büpa Ijiplei aa hük keiha yutükpeih, shejao Kahvang büpa mü nyu,

GALATIA 5:20

lajei khümpü, phongyompü, jiühitteipü, mophicheü, mükhühpü, mongshihpü, dehilao, neshetnephen, hanteipü,

1 TIMOTI 2:4

üpai peü yanghen hatü shahhing nyingpü touei peihahhünya.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

KAHBHAO 38:9

Shejao Onani hapeüthü büpalei nevaihen shei nyingei mechem büpai chejeilei nyüha mü jemhenshang, hapeü nevamhühen shangmü büpai kong kü shakei yentük.