JAKOB 3:1 - DAÜLANGPÜ LAIHING (BSI)

¹ Ngelei jeihinaü nyahinaüthü, amphong longshi shing nyuhbüthü neleihen vongbong; mehenangkü jen üami nyuhnya hathü kü nyeishi wong mü shahphenhen.

JAKOB 3:1 Referans Kwoze

1 TIMOTI 1:7

jomi mehe enya hatü mehe douthü jung enya ha nenyingi shahkung nyuhbüthü leihüei lepdaiteke.

1 PETER 5:3

Am phangkü nyupüthü shak kü am shembü telei, shejao mithü touei lappü meipü leituh.

1 KORINT 12:28

Kahvangi attoi kü shongpü kü phongshanthü, nyipabü kü thihivamthü, jempabü kü nyuhbüthü; hapheikü yashanpü dou dükpüthü, hapheikü meihüpü thinthothü, mih kü sheühpü, vanglem lempü thintho, hatü shahlem laolao epü jepeih.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

1 TIMOTI 2:7

Ha shingvaishi ngeiyü shahjang kobü hatü phongshan hük (ngei shahshem nevai shahhing enyeih), hinglempü hatü shahhing kü Kung amei nyuhbü vaihen jeteke.

EPHESIA 4:11

Büpai shuohpü thinthothüyü hanei am phongshan vaihen, hanei am thihivam, hanei am chongvenbü, hanei am mi yombü hatü hanei am nyuhbü vaihen;

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

HEBREW 13:17

Ammei mübüthülei ven bangtuh, hatü jom phangkü shütuh; mehenangkü jomi ammei laangha kü veishi nyunyeih, hatü am nang jomi shah-om shuohhen. Jomi epü ammi bangjema, jomi mongongpai jomei dou dükkahen, hei nevaijema jomi mongmangpai dükkahen, hatü hapayü am shing nanglei nevaikahen.

LUK SHAHSHA APPÜ 16:2

Hanangkü büpai kheibü kü nyükei, ‘Ngei nüng jung eyei danpeyü meheang? Nüngi mekei loklakei daipa, hapa meishi hengei yahkei, hajük kü nüngü ngelei mop kü kheibü nevai-aokpih’ shei e.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

2 TIMOTI 1:11

Hapa shahjang meipü nangkü ngeiyü shah baongbü, phongshan hatü nyuhbü vaihen jeteke,

JOHAN 3:10

Jisui büpa kü, “Nüngü Israel amei nyuhbü hük khih; shejema nüngi hathü nenyingpü je?” shei e.

MATHI 10:24

Nanglom hükü nyuhbü dok kübü, nevaijü aa hükü shembü dok kübü nevai;

LUK SHAHSHA APPÜ 6:37

“Ammi mih-ei shah tephen, hatü ammei shah-ao nephenhen; ammi mih tenyonghü, shejüang amao nenyonghühen. Mih kü mang tükeishuoh, shejüang ammei mangao tükphahen.

MATHI 9:11

Mechem Pharisee ami ha eepa, jomphongi büpalei nanglomthü kü, “Mehekei ammei nyuhbüi lat thaipü hatü mangthü mü hahyingnya?” shei phe.

MALAKI 2:12

Üpai ha düknya, büpai moila koei peijao Shembüpa Kahvangi Israel am khong kübü katitükhen.

PHONGSHANTHÜ DOU 13:1

Shaang Antiokh leipü attoilei thibü hatü nyuhbüthü nyuteke. Jomphongü Barnabas, Simon, üpa kü Niger shei nyük, Cyrene am Lucius, Herod governor mü nyuei longpü Manaen, hatü Saul nyu.

JAKOB 1:16

Bampü jeihinaüthü, am telutelemhah.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

JAKOB 3:10

Ju hük kübü-üng menvih hatü thaüvaü vamnyüke. Ngelei jeihinaü nyahinaüthü, hapakeiyü nevaihen vaipü khih.

MATHI 23:14

Akhümmong-üm shahkung nyuhbü hatü Phariseethü, onyükei! Mehenangkü ammi vaümnyülei shem bomei yahnyüke, hatü mih-i eehen shingvaishi luangi phopnyüke. Hanangkü am nyeinya mangpü hanghi danghen.