JAKOB 2:25 - DAÜLANGPÜ LAIHING (BSI)

²⁵ Ha leshi büm yupü Rahabi phongshanthü nyükei shütü jomphong lebü lemei deishihpai dou homei pinnyü dahshakpü nevaipü je?

JAKOB 2:25 Referans Kwoze

HEBREW 11:31

Hinglempai büm yupü Rahabi ven nedanpüthü mü nemah; mehenangkü pinnyüi gühshuk peipüthü mongongshi yah.

JOSHUA 2:15

Hanangkü Rahabi jiji vü kü shitei ümha shadenei shanshih; mehenangkü pinnyülei shemü penyü kü aüshi veyei nyuteke.

JOSHUA 2:4

Shejao hapa nyühai hapa shennyak nyi jotük. Pinnyüi, “Hih hapa shennyak nyi shemei peikütih shejao jiji meleipü peiküpüshang ngei nenyingangpih.

JOSHUA 6:17

“Hapa chingnyü hatü halei nyupü lemphüli Shembüpa kü moila keiha tentükhen. Büm yupü Rahab hatü pinnyü mü shemei nyupüthü mon yanghen; mehenangkü pinnyüi jeni shompü gühshukpüthü joei yangpeih.

JOSHUA 2:1

Hahepak kü Nunei cheha Joshua-i Shittim leipü shennyak nyi joei gühshuk shomteke. “Daituh, hatü kahmük doktuh, nyeinya vaishi Jeriko kü veituh” shei eteke. Hanangkü jiji daiyei büm yupü nyüha hük Rahab am shemei ngoi, hatü halei paümteke.

MATHI 21:31

Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

MATHI 1:5

hatü Salmonü Boazlei chepa; chenyü-ü Rahab nyu; Boaz-ü Obedlei chepa; chenyü-ü Ruth nyu; Obedü Jesselei chepa;

JAKOB 2:22

Büpalei dou mü vaipü dou chemi nyuteke, hatü vaipeyü dou homei changhüpeih shei eenyüke.

JAKOB 2:18

Shejao hanei ami, “Nüng kü vaipü nyüke hatü ngei kü dou nyüpeih” shei ehen. Nüngi dou neomi ngei kü nüngi vaipü hushih, hatü ngei ngelei doui nüng kü ngei vaipü huphüshah.

JOSHUA 2:6

Shejao pinnyüi jiji shem adokei anei pinnyüi shüngei tuhpü hahtang phangei jotük.

JOSHUA 2:16

“Anji yempü ami anji dangmangkü phaüshang lemei aongdaituh, hatü jomphong nyokei mangleidai thahshi halei nyih jem joshi nyutuh; hapheikü mon anji leituh” shei pinnyüi jiji kü eteke.

PHONGSHANTHÜ DOU 17:7

hatü Jasoni hathü kü yen keiha ühyingei angpeih. Jom peüi Rom ongpalei shahkung kü nejiüi shao lebü ong hük Jisu shei menpü nyüpeih” shei enyüke shei lenteke.

JAKOB 2:24

Shennyak hük vaipai mon nevai, dou homei dahshakhünyeih.