JAKOB 1:8 - DAÜLANGPÜ LAIHING (BSI)

⁸ büpayü mong nyi kohpü, büpai dükpü peü kü shing nenüngpü shennyak.

JAKOB 1:8 Referans Kwoze

1 ONGPATHÜ 18:21

Elijah-i nanglakthü touei heihtü, “Hepak meshük mong nepheni deihpü lem nyi aa kü nyuhenang? Shembüpayü Kahvang hih shei deihjema, büpa phei mütuh; shejao Baal-ü kahvang hih shei deihjema, büpa phei mütuh” shei e. Shejao nanglakthüi shah phahükao ne-e.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

2 ONGPATHÜ 17:41

Hanangkü mechem hapa jatthüi Shembüpa kü khümpa, jomi jomei lajeithüao chongpho. Shinnyih thahshi jomei chebü chepa ami dükpükei hapa hühihathüi nedoh-i düknyüpeih.

2 PETER 3:16

Büpalei lai peü kü hathü aihük jung eyei nyangnyüke. Büpalei laithü kü nyinghen wongpü douthü maani kohshi nyüke; hapayü nenyingpüthü hatü shing nenüngpüthüi laophü mahhen mü Laihing kü jomi dükpükei nyongnyongi lingtüknyüke.

2 ONGPATHÜ 17:33

Hanangkü jomi Shembüpa kü khüm, shejao jomi laophülei kahdokei khümteipü vanglem aimü laophü laophülei kahvangthü kao khüm.

HOSEA 10:2

Jomei mongdangü shahshem; jomei mang jomi-üng kohen. Shembüpai jomei moidü bentükhen, hatü yaong shemnyüthü mangtükhen.

MATHI 6:22

Mükü büm shing vangngai. Hanangkü nüngei mük meishi nyujema, nüngei büm kempü vangngai-i maei nyuhen;

MENVIH KESHO 119:113

Ngei mong nyi kohpü am kü jiühitnyeih, shejao ngei nüngei shahkung kü bamnyeih.

JAKOB 1:7

Henüng shennyaki SHEMBÜPAleipü meheyao danghen shei tedeih;