JAKOB 1:26 - DAÜLANGPÜ LAIHING (BSI)

²⁶ Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

JAKOB 1:26 Referans Kwoze

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

MENVIH KESHO 141:3

Ngelei ju yomtuh, Oh Shembüpa; ngelei jubenyeijaang kü veishi nyutuh.

1 PETER 3:10

Laihingi ha enyüke: “Üami yangnyu nanya, hatü nyihmei eehen lümnya, jomi laophülei yei ten epü kübü, hatü ühing itpü ju yepei tuhtuh;

EPHESIA 5:4

Nevaijü mih huluh shuohhen shah, ngashah, veüshah chemjalak kü ammi tenotei shejao ha nangjeiyei menvih shuohtuh.

KANDOK 19:1

Shahshem eshi ngapa hük vaileimeyü, shahhing eshi taopa vaipü-üng meipüba.

MENVIH KESHO 34:13

Ten ehen kübü nüngei yei ungei tuhtuh, hatü ühing shah ehen kübü nüngei ju yepei tuhtuh.

KANDOK 10:31

Daülangpü shennyakei jubenyeijaangi kihikon koei peinyeih, shejao shahnyong epülei ju dohtükhen.

KANDOK 10:19

Mechem shah ahshi enya, mang neomi nenyu, shejao laophülei yei yepei tuhpeyü kon kohpü.

KOLOSI 4:6

Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

JAKOB 1:22

Shejao amphongü dan mon dantü laophü nyingi luhahpü am nevai, shejao shah-i dou leiyei dükpü am leituh.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

KANDOK 16:25

Shennyak hüki jiüpeih shei deihpü lem hanei nyüke, shejao dohpülei hapa lemü dipü touei münyüpeih.

LUK SHAHSHA APPÜ 8:18

Hanangkü nüngi mekei bangnya kenhingei deihtuh; mehenangkü üami ang, hathü kü nyeishi shuohhen; hatü üami ne-ang, jomi mehe anghen shei deih, hayao yahlanghen.

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

KANDOK 14:12

Shennyak hük kü jiüpükei deihpü lem hük nyüpeih, shejao dohpülei hapai dipü lemei mülangnyeih.

SHAHKÜP 11:16

Lebü kahvangthü kü khümhen hatü chongphohen shingvaishi Shembüpa toueipü lemnyong kü tedai.

GALATIA 2:6

Shejao üamphong mübüthü shei nyu, jom mehe mehe vaijao ngei shingvaishi meheyao hayaoha neshiü; (Kahvangi shakdokei eepü kü shahnephennyih– hathüi ngei kü mehe chudeih-ao ne-ephaangpih,) hathü mübüthüi ngei kü meheyao nesheühphaangpih.

MARK 7:7

Angsha kü jomi ngei khümnyüke; jom nyuhpüvenpeyü hangkulei vanglem nyuhnyüke.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

KANDOK 21:26

Helushoei büpai nyeinya yahhahhüei nyunyeih, shejao daülangpü shennyaki nekaungi shuohnyeih.

1 KORINT 15:2

Ngei am kü venpü shah kü wongshongi shümjema, ammi angkü vaipü nevaiphei keyü hapa shahjangmei homei am yangteke.

MATHI 15:9

angsha kü jomi ngei kü khümnyüke, jomi ngelei shahkung vaishi hangkui laki lingpü shahkungthü nyuhnyüke.”

MALAKI 3:14

“Kahvang chongphoteipeyü angsha khih. Büpai epü dükjü ham mehe nanglei, nevaijü mahng theppü am kei heihjajao mehe danghen?

ISAIAH 1:13

Yahlak neshiüpü moila koei peiteipü dohdaituh; ammei vong meipü meliyü ngei keyü jiühitbenüng khih. Ammei Lenja Mo, Sabbath, hatü ammei thaihiyu kü ngei tengangke.

1 KORINT 15:15

Ha mü nyeishi Kahvangi Khrista dipü kübü yangei leishihpeih shei denpü shuohpeyü Kahvang jung shahshem venbüthü leidainyüke. Dipü kübü yangei neleijema büpai yangei neleishihpü vaikahen.

KANDOK 16:10

Ong hüki shahphen shuohpeyü Kahvang leipü kei enyüpeih; shahphen shuohshingkü büpai mang nethahnyih.

KANDOK 15:2

Kon kohpü shennyakei yeijaangi kon meipü vamhünyeih, shejao ngapalei ju kübü ngashahyoishah bhainyüpeih.

MENVIH KESHO 32:9

Ju kü nyiam ühtü shümei shoupei tuhpü danaokpü neshiüpü koyei nevaijü gadu cheha kei tenyu.

JAKOB 2:20

Ngapathü, dou neomi vaipeyü angsha shei huhahhüpü je?

GALATIA 3:4

Ammi angsha kü hajükjük nyingpü je? Hayü hingmei angkong kü je?

GALATIA 2:9

Jakob, Peter hatü Johan hathüi ngei kü shuohpü phahji nyingei pei, hatü jomi Barnabas henji kü chemi lak kü dükteitü Kung am touei daihen, hatü jomphongü Jehoda am touei daihen mongteiteke.

1 KORINT 3:18

Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

JOB SHAHSHA APPÜ 15:13

Nüngü Kahvang khüei yaongteke, hatü nüngei jubenyeijaangi büpa yaktükteke.

JOB SHAHSHA APPÜ 30:11

Mehenangkü Kahvangi ngelei pülah vü shetük, hatü ngei shangponghüteke; jom mongshih-ei ngei khüei yaongteke.