JAKOB 1:21 - DAÜLANGPÜ LAIHING (BSI)

²¹ Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

JAKOB 1:21 Referans Kwoze

EPHESIA 4:22

Amphong keyü shongpü yangnyu lem chang, ammei yangnyu chang, lueilemei lemphü kü vaüpai mangtükpü peü yaktükhen nyuhpeih,

EPHESIA 1:13

Mechem ammi shahhing shah, am yemleipü shahjangmei danpa, hatü büpa kü ammi hinglempa, büpa kü amphongao lahtükpü Laangha Daülangpai füoshang shüngteke.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

JOHAN 6:63

Yangnyuyem shuohpeyü laangha hih; phaiyü yahlak neshiü, hatü ngei am kü epü shahthüyü laangha hatü yangnyuyem nyüke.

MENVIH KESHO 25:9

Büpai maanpü leipüthü jiüpü kü mülangnyeih, hatü büpalei lemthü nyuhnyeih.

1 PETER 2:1

Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

TITUS 2:11

Mehenangkü peü kü yemleipü koei peipü Kahvang shakei vamteke.

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

HEBREW 4:2

Mehenangkü shahjangmeiyü jom touei kei-üng jen toueiyao peiteke, shejao jomi danpü shahjangmei homei jom nanglei nedang; mehenangkü jomi ha danpü yah-ei hinglempü mü nejemhü.

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

1 KORINT 15:2

Ngei am kü venpü shah kü wongshongi shümjema, ammi angkü vaipü nevaiphei keyü hapa shahjangmei homei am yangteke.

ROM SHAHSHA APPÜ 6:17

Shejao Kahvang men vihtuh, mehenangkü am chemü mangei aa vaishi nyujao am kü shuohpü nyuhpüvenpü kü mong kempai ven bangteke,

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

PHONGSHANTHÜ DOU 13:26

Ngelei jeihinaüthü, am Abraham phang kübü hühihathü, hatü Kahvang nyempü Kung shennyakthü, jen kü hapa yemleipü shahjangü shompeih.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

1 PETER 1:9

mehenangkü ammi hinglempü kübü vampü laangha yemleipü ammi dangnyüke.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

PHONGSHANTHÜ DOU 10:33

Hanangkü shüshülangi nüng nyüknüng shompeih, hatü nüngi kenei peiküteke. Hanangkü shaang Shembüpai nüng kü etuh shei epü shahthü banghen shingvaishi ham peü hammü Kahvang touei nyüpeih” shei eteke.

MATHI 5:5

Nenteiaokpüthü moihiman; mehenangkü jomi kahdoknyü mükjüp danghen.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

1 THESALONIKA 1:5

mehenangkü am touei shahjang meipeyü shah kü mon nevai, shejao ngan kü hatü Laangha Daülangpü kü hinglemhen mü peipeih. Ammei men kü am touei ham mekei nyuei daipa ammi ha nyingei nyüke.

EPHESIA 5:4

Nevaijü mih huluh shuohhen shah, ngashah, veüshah chemjalak kü ammi tenotei shejao ha nangjeiyei menvih shuohtuh.

EPHESIA 4:25

Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.

JAKOB 5:20

Ha deih-ei dangtuh: Üami mang shennyak hük lemnyong kübü müei leihenshang, ha mang shennyakei laangha dihen kübü yanglanghen, hatü mang longi küpei tuhtüknyeih.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.