ISAIAH 9:7 - DAÜLANGPÜ LAIHING (BSI)

⁷ Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ISAIAH 9:7 Referans Kwoze

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

ISAIAH 37:32

mehenangkü Jerusalem leipü aopü khong hük, hatü Zion Kahshang leipü yangpü khong hük vamkahen. Shembüpa nyakpükenpai hapa dükhen.”

ISAIAH 16:5

Bampai ong uoshing linghen, hinglempai shennyaki hapa kü uohen; David phang kübü hük shahphen shingkü shahhing yempü, hatü jiüshangpü shülangi dükpü hük uohen.

MENVIH KESHO 2:8

Ngei kü yütuh, hatü ngei nüng kü jatli peü mükjüp vaishi shuohhen; kahdoknyü dohpü thahshi nüng lompü vaihen.

2 ONGPATHÜ 19:31

mehenangkü Jerusalem leipü aopü shennyakthü, hatü Zion Kahshang leipü yangpü shennyakthü vamkahen. Shembüpa nyakpükenpai hapa dükkahen.”

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

JOHAN 12:34

Khongi büpa kü, “Messiah-ü den kü nyunyeih shei hami shahkung leipü danpeih. Nüngi mekei etü Shennyak Ha shangei anshihhen shei enya? Shennyak Ha shei epeyü üpaang?” shei e.

HEBREW 7:24

shejao Jisu payü den den kü nyupü nangkü mih kü neshuoh-i büpai den kü ngongdou düknyeih.

ISAIAH 2:4

Büpai longpü jatthü aa kübü shah phenhen, hatü nanglakthü depülaopü dohhühen. Jomi jomei yanluthü hanshong vaiyei penglanghen, hatü jomei phungthü ajap vaiyei juplanghen. Jat hüki hük khüei nehokhen; hajük kü hokhen netemhen.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 40:10

Veituh, Shembüpa Kahvangü ngan mü peikünyüke, hatü büpalei laki vanglem lemnyüke; Veituh, büpai thintho kotü laophülei nanglakthü mü peikünyüke.

ISAIAH 42:13

Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

HAGGAI 2:9

Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.