ISAIAH 9:6 - DAÜLANGPÜ LAIHING (BSI)

⁶ Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 9:6 Referans Kwoze

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ISAIAH 53:5

Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük.

ISAIAH 28:29

Hapayao Jeiyong SHEMBÜPAleipü peinyüpeih; büpayü thamapü kon hatü ngan kohpüba.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

1 KORINT 15:25

Büpai laophülei vepathü büpalei la phangei mangtuh thahshi büpai vanglem lemhen.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

ISAIAH 10:21

Jakob phang aopüthü Jeiyong Kahvang touei nyokei leihen.

SHAHPHENBÜTHÜ 13:18

Shejao Shembüpalei phongshani büpa kü, “Nüng ngelei men mehekei phenya? Hapa nyinghenü longi thamabenüng nyüpeih” shei e.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

JOHAN 1:16

Büpalei phahji mapü kübü jen peü moihiman hük pheikü hük dangteke.

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

MENVIH KESHO 72:7

Büpalei den kü daülangshemshepü daei daihen, hatü lennyü vangngai mangmet thahshi chingmeivangmei bhashahshi nyuhen.

KOLOSI 2:3

Büpa kü kihikon hatü nyingpühingpü mop peü jaoshi nyüpeih.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

KANDOK 8:23

Chongpangei kahdoknyü lingshekü peü mü shongeingei lingpeih.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

2 KORINT 5:19

hapa lappai, Khrista kü Kahvangi laophü touei kahdoknyü mongjemei leihüteke. Kahvangi hangkulei mangthü itei netuh, hatü büpai ham kü mongjemei leihühen shahjangmei nangei tuh.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

MENVIH KESHO 72:3

Kahdokei nanglakthü shing mophimo vamhühen, hatü daülangshemshepü nyingei peihen.

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

ISAIAH 26:12

Oh Shembüpa, nüngi ham kü chingmeivangmei lingshih; hami dükaokpü peü kemei nüngi dükpü douthü mon.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

MENVIH KESHO 85:10

Bampü hatü hinglempü nyi pongteihen, daülangshemshepü hatü chingmei nyi ju kü jüpteihen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

MENVIH KESHO 50:1

Vanghe aongpü kübü shüpü thahshi, Jeiyong Kahvang, Shembüpai enyüke, hatü nyüknyüke.

ISAIAH 8:18

Shembüpai ngei kü shuohpü hashihthü mü ngei hammü nyüpeih. Hamphongü Israel am shingvaishi Zion Kahshangei nyupü Shembüpalei dou hük hih.

ISAIAH 66:12

Shembüpai hapakei enyüke: “Ngei yungnyüyen keiha pinnyü kü chingmeivangmei shuohhen, hatü jatthülei mop yungnyübüng keiha shuohhen; Nyüi hapeü kü jungpü keiha amü pinnyülei lak, hatü shüngkung shangkü paümshi junghen.

MATHI 1:1

Hapayü Abrahamei cheha David, Davidei cheha Jisu Khristalei bülem jung nyangpü.

ISAIAH 16:5

Bampai ong uoshing linghen, hinglempai shennyaki hapa kü uohen; David phang kübü hük shahphen shingkü shahhing yempü, hatü jiüshangpü shülangi dükpü hük uohen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

HAGGAI 2:9

Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

1 ONGPATHÜ 2:33

Jiji jüpü iy kübü pungpü mangü Joab hatü büpalei hühihathü kü denden kü nyemhet. Shejao David hatü büpalei hühihathü, büpalei shem am, hatü ong uoshing kü düngei SHEMBÜPAleipü chingmeivangmei nyuhen” shei e.

1 ONGPATHÜ 2:45

Shejao Solomon ongpa moihimanhen, hatü Davidei ong uoshing Shembüpai den kü yangei tuhhen” shei e.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

MENVIH KESHO 45:7

Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

MENVIH KESHO 89:5

Nüngei thamapü douthü kü vangsho ami nyemvih, Oh Shembüpa, nüng shahhing epü jung daülangpüthü thaipü shingei nyem-etei.

ISAIAH 11:5

Daülangshemshepeyü büpalei shüngshep, hatü shahhingü büpalei shünglok vaihen.

ISAIAH 32:1

Veituh, ong hüki daülangshemshepai, hatü vanglem lembüthüi shahhingi vanglem lemkahen.

ISAIAH 37:32

mehenangkü Jerusalem leipü aopü khong hük, hatü Zion Kahshang leipü yangpü khong hük vamkahen. Shembüpa nyakpükenpai hapa dükhen.”

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.