ISAIAH 9:13 - DAÜLANGPÜ LAIHING (BSI)

¹³ Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

ISAIAH 9:13 Referans Kwoze

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

ISAIAH 1:5

Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

EZEKIEL 24:13

Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

ISAIAH 57:17

Jomei hahnempü mang kü ngei mongshihpeih, ngei jom hanghihü, hatü mongshih-ei ngelei dhe jodaipeih, shejao jomi jomei lemthü kü mon nyokei leidainyüke.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

JOB SHAHSHA APPÜ 36:13

Kahvang nenyingpüthülei mong kü düngei mongshih-ei mon nyunyeih, hanghi ponglangmao jomi sheühpü yüei nephopnyih.

2 SHÜPPÜKENGPÜ 28:22

Ahaz ongpa longi ponghahpü hepak kao nyeinya büpai Shembüpa touei mang thah.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

JEREMIAH 15:7

Ngei hapa kahdok chingnyü penyüshalei om noshi jom shaaptükhen. Jomei lemthü neyeiyapü nangkü dipü, hatü mahpüchahpü koei peihen.

EZEKIEL 22:24

“Shennyak ha, Israel am kü eyeishuoh, mongshihpü nyih ammei kahdokei baihivang nekei-i nyupeih.

DANIEL 9:13

Mosa shahkungnyü kü nyangei nyupü hanghi kemei ham kü hetteke, shejao hamei mang kübü mong lepei, nüngei shahhing phei müei Shembüpa, hamei Kahvang bampü yemei nelei.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

AMOS 4:10

Ngei Ijip am kü shompükei am kü cham shom, ngei ammei nethethü vehok kü jütük, hatü koyeithü yah-ei lüdai; Ammei shemei mahngshie ngü püpai ammei shongsha mahü, shejao am ngei touei mong nelep shei Shembüpai enyüke.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

ISAIAH 7:20

Hapa nyih kü Shembüpai Euphrates yungdang leipü sho kupbü Assyria ongpa chüngei leihen, hatü büpai ammei sho, jumum hatü lamum kemei kuptükhen.

ISAIAH 19:15

Shemmei nevaijü taopa, shongnyü shennyak nevaijü nenyingnehingpü üpaiyao meheyao Ijiplei nedükaokpih.