ISAIAH 9:12 - DAÜLANGPÜ LAIHING (BSI)

¹² Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

ISAIAH 9:12 Referans Kwoze

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

2 SHÜPPÜKENGPÜ 28:18

hatü Philistia ami hahepak kü-üng heshüphi kahshangla hatü pehephi Judah hahteke. Jomi Beth-Shemesh, Aijalon, hatü Gederoth hatü Soko chingnyüthü, Timnah hatü Gimzo mü jomei chingthü omshi hahteke.

MENVIH KESHO 79:7

Mehenangkü jomi Jakob lühtük, hatü büpa nyushing vüngmaki yakphongteke.

2 ONGPATHÜ 16:6

Hahepak kü Aram am Rezin ongpai Judah am changtüktü Aram am kü Elah kahdok nyokei lei. Hahepak kü Edom am Elahlei yiüei shinnyih thahshi halei nyunyeih.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

JEREMIAH 35:11

Shejao mechem Babylon ongpa Nebukadnezzari hapa kahdok neütükpa, hami, ‘Kei, jeni Babylon hatü Aram amei veshanthü kübü yanghen shingvaishi jen Jerusalemei daishah shei eteitü heih-ei ha Jerusalemei nyuei dainyüpeih’ ” shei eteke.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

EZEKIEL 6:14

Hapheikü ngei jom khüei ngelei lak nohen hatü bhih kahdok kübü Riblah thahshi jom nyushing peü lavüngtoiyei leitükhen. Haphei küang jomi ngeiyü Shembüpa shei nyinghen.

EZEKIEL 16:27

Hanangkü ngei am khüei lak haongpeih hatü ammei kahmük maanei leitükpeih; ammei nemeipü nyingnyoi eeyei veüei deihpü hahnempü vepa Philistia am kü shuohtükpeih.”

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

JEREMIAH 15:7

Ngei hapa kahdok chingnyü penyüshalei om noshi jom shaaptükhen. Jomei lemthü neyeiyapü nangkü dipü, hatü mahpüchahpü koei peihen.

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

AMOS 4:8

Hanangkü jila nyi jem kübü jila hükei yung yemei longtei, shejao yungle meishi yinghen nedang, hapaiyao am ngei touei mong nelep shei Shembüpai enyüke.

AMOS 4:9

Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

AMOS 4:10

Ngei Ijip am kü shompükei am kü cham shom, ngei ammei nethethü vehok kü jütük, hatü koyeithü yah-ei lüdai; Ammei shemei mahngshie ngü püpai ammei shongsha mahü, shejao am ngei touei mong nelep shei Shembüpai enyüke.

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.