ISAIAH 9:11 - DAÜLANGPÜ LAIHING (BSI)

¹¹ Hanangkü Shembüpai jom khüei vepathü vamhü, hatü jomei vepathü mongnang thonghüteke.

ISAIAH 9:11 Referans Kwoze

ISAIAH 7:8

Mehenangkü Aram amü jomei chingnyü Damaska mü wong kohpüba nevai, hatü Damaskayü Rezin mü wong kohpüba nevai. Israel am nangkeyü bong pejempünga thahshi jat hük shei ehen mü nevai-i nanglakthü peü haitükkemhen.

2 ONGPATHÜ 16:9

Assyria ongpai hapa kü khüambakei aongei Damaska hah, hatü haleipü shennyakthü Kirlei shetei dei, hatü Rezin ongpayü jütük.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

ISAIAH 7:1

Mechem Jothamei cheha, Uzziahlei chehü Ahaz ongpai Judah kü vanglem lemei nyupa, Aram am Rezin ongpa hatü Remaliahlei cheha Pekah, Israel amei ongpa nyi Jerusalem hahhen shingvaishi aong, shejao jomi nehah-aok.

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

ISAIAH 28:1

Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!