ISAIAH 8:21 - DAÜLANGPÜ LAIHING (BSI)

²¹ Shanghahpai hatü aeipai jomi kahmük kü longteihen; mechem jom aeihen, hatü mongshihhen, jomi shang philei veitü jomei ongpa, hatü jomei Kahvang kü thaüvaühen. Jomi shang philei veihen,

ISAIAH 8:21 Referans Kwoze

ISAIAH 9:20

Jomei lakdah phi-i lühhen, shejao aeipü nemeihen; laknyong phi-i hahhen, shejao hüneshemhen. Shennyak peüi laophülei hapeü jüei hahhen.

KANDOK 19:3

Shennyak hanei-i laophü nelipai vongshüh pongshingkü Shembüpa küang eelanyeih.

JEREMIAH 52:6

Lenyang ali mü nyih shüpabü kü chingnyü mongei aeipülepü longi mangshi vampü nangkü nanglakthüi hahhen hahying neshiüi lei.

JEREMIAH 14:18

Ngei kahlei shajajao yani mahpüthü mon eenyüke. Ngei chingnyülei shüjajao münghishaü homei dipüthü mon eenyüke. Thibü hatü ngongpathü peü jomi nenyingpü kahdokei shüei lüdainyüke.

JOB SHAHSHA APPÜ 2:9

Hahepak kü chenyühai büpa kü, “Nüng shaang thahshi Kahvang kü lakshing hinglemnyu je? Kahvang kü thaüvaütuh hatü didaituh” shei e.

JOB SHAHSHA APPÜ 2:5

Shejao nüngei lak noei büpalei phai hatü vang kü hongshuohjü büpai nüngei dhe kü nyeanshi thaüvaüphahen hih” shei e.

JOB SHAHSHA APPÜ 1:11

Shejao shaang nüngei lak noei büpai angpü peü kü hongeishuoh, hatü büpai nüngei dhe kü nyeanshi thaüvaüphahen hih” shei e.

2 ONGPATHÜ 25:3

Lenyang alipabü nyih shüpabü kü hapa chingnyülei shaühile longpü vam, hatü shennyakthüi hahhen meheyao neshiüi nyu.

MÜLANGPÜ 22:28

Ammi Kahvang kü teyaü, nevaijü ammei nanglakthü mübü kü tethaüvaü.

2 ONGPATHÜ 6:33

Büpai hapa jom mü etei-i nyushi ongpa büpa touei peiyei, “Hapa shanghah-ü Shembüpa leipü peipeih! Hajük thahshi mehekei ngei Shembüpa kü monglemei danhenang?” shei e.

LEVI 24:11

Depü hepak kü hapa shennyaki Kahvangei men thaüvaüteke. Hanangkü jomi hapa shennyak Mosa touei müei dei,

1 SAMUEL 8:18

Mechem hathü nyih ngoikahenshang, ammi laophüi jehahpü ong nangkü leneiwonghen, shejao Shembüpai ha nyih am kü nejangphahen’ ” shei e.

JOB SHAHSHA APPÜ 18:12

Aeipülepai büpalei wong laaidainyüke, Mechem büpa dohenshang, büpa shingvaishi shanghah vongshüh temei nyüke.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

ISAIAH 14:30

Taopathü khongkü taopai mi kei phenha ni danghen, hatü nehahneyingpüthüi nyiushem kü nyuhen. Shejao nüngei lihilathü münghishaü homei dikemhen, hatü ngei nüngei aopü shennyakthü jütükhen.

ISAIAH 51:19

Hapa shanghah lemnyi am kü hetteke, üpai am nyiumeihühen? Lomoh aühaü, mahpüchahpü, shaühile, hatü baonghok kungve kü üpai am kü phahjihen?

ISAIAH 59:9

Hanangkü shahhingü ham toueipü taishi lüdai, hatü daülangshemshepü ham nengoinyu. Hamü vangngai om dannyüke, shejao peülei vangnyak mon nyüke; Hami vangngai nyapü yemnyeih, shejao shangmang kü kamnyüke.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;