ISAIAH 8:19 - DAÜLANGPÜ LAIHING (BSI)

¹⁹ Mechem shennyakthüi ngeü lemmü lemmü vamei lashüh tetpüthü, hatü phongyompüthü kü phetuh shei ephahenshang, nanglakthüi laophülei Kahvang kü nephehen je? Yemmü nyupü am nangkü yimpi am kü mehekei phenya?

ISAIAH 8:19 Referans Kwoze

1 SHÜPPÜKENGPÜ 10:13

Saul-ü Shembüpa kü hingnelempü nangkü di; büpai Shembüpai epü shah nebang; büpai lem müpü danghen yimpi laang kü pheteke,

LEVI 20:6

Shennyak hanei-i yimpi laang mü shah eteipüthü nevaijü lashüh tetpüthü lemei daijema, ngei büpa laophülei nanglak khong kübü katitükhen.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

MENVIH KESHO 106:28

Hapheikü jomi Peorlei Baal kahvang kü khüm, hatü mahng kü jeetükpü hahying hah.

LEVI 19:31

Ammi yimpi laang mü shah eteipüthü nevaijü lashüh tetpüthü lemei tedai, hathü yemjema hathüi am mang thahhühen. Ngeiyü Shembüpa, ammei Kahvang.

ISAIAH 29:4

Hahepak kü nüngi kahmong leipü ehen; kübhih mongeipü nüngei ngeü vamhen. Nüngei ngeü-ü kahmong leipü laanghalei ngeü kei vamhen; kübhih mongeipü nüngei ngeü nümei vamhen.

ISAIAH 19:3

Ijip amei mong mahtükhühen, hatü jomei küpjan kong leitükhen. Jomi lajei hatü yimpi laangthü kü pheyuhen, laangthü hatü phongyompüthü kü pheyuhen.

1 SAMUEL 28:8

Hanangkü Sauli büpa nyingi büpa nevaipükei lingtü mih-ei ow owtü yanüng büpa mü shennyak nyi mütü hapa thibülanyü touei peiyei, “Ngei kü phongyomshih hatü ngei nüng kü men epü shennyakei laangha nyükkütuh” shei e.

SHAHKÜP 18:11

ngandou dükei, mang laangha mü shah eteiyei nevaijü yimpi mü shah eteiyei tenyu.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

2 ONGPATHÜ 1:3

Shejao Shembüpalei phongshan homei Tishbe am Elijah kü, “Aongtuh, hatü Samaria leipü Ahaziah-i shompü phongmokbüthü mü pongei, ‘Israel Kahvang neshiüpü vaishi Ekron amei kahvang Baal-Zebub kü phehen aongnyu je’? shei phetuh.

2 ONGPATHÜ 23:24

Ngongchong Hilkiah-i Phopshemei dangpü lai kü nyangei nyupü shahkungnyüthü dükhen shingvaishi Josiah ongpai Jerusalem hatü Judah kahdok peü leipü laang kü shah eteipü, lashüh dokpüthü hatü shemongei khümteipü kahvang, lajeithü, hatü kung amei jiühitnalaipü douhinang peü yaktükkem.

1 SAMUEL 28:16

Samueli, “Shembüpa nüng toueipü lepdaiphei kü hatü nüngei vepa vaidaiphei kü mehekei nüngi ngei kü phenya?

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

1 SAMUEL 28:11

Hahepak kü hapa thibülanyüi, “Üpa kü nyükphahenang?” shei phe. Büpai, “Samuel kü nyükshih” shei e.

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

PHONGSHANTHÜ DOU 16:16

Nyih hük hamphong phoppü shingei daiyei nyushingkü phongyomteihen laangha kohpü aa lanyü hük hamphongi heüpeih, hatü pinnyüi tetei epü nangkü pinnyülei shembüi lop longi danghampü khih.

KAHBHAO 41:24

nengetpü hahmaithüi meipü hahmai nyet lühtüki eepeih. Hapa jung mechem ngei tetpüvanpüthü kü ejapa, üpaiyao ngei kü ha nih-ei ne-ephaaoknyu” shei e.

ISAIAH 26:14

Hathüyü shaangü didai, hatü yemmü nenyu; didaipü hapa laanghathü yangei neleinyu. Nüngi hathü kü hanghi shuoh, hatü lomohhü; hathü deih-ei nedanghen mü nüngi jomei mongdeihthittük.

ISAIAH 30:2

Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!

ISAIAH 45:11

Shembüpa, Israel amei daülangpü Kahvang, hatü hapa Lingbüi hapakei enyüke: “Ngelei hapeüthü nangkü nüngi phehen je? nevaijü ngelei lakdou nangkü nüngi ngeükhüam shuohhen je?

ISAIAH 47:12

Am hashih mebü dükteipü thihivam dou hatü am phongyomteipü lemphüli jungeilangei tuhhahtuh; Üpai nying, hapai am kü sheühphahen aokpeih, hatü ammei vepathü kü nyemshaohen aokpeih.

ISAIAH 47:13

Ammi longi phongyomthiphepai am tengdaiteke; Üami vangsho lithathü kü veitü nih-ei khonya, hatü lenja kü veitü teteivanei enya, Jomi am touei mehe vongshüh peikünya, ha kübü nyemyangpha.

JEREMIAH 27:9

Hanangkü am kü, “Amphong mechemao Babylon ongpa chongnephopih” shei epü thibüthü, tetpüvanpüthü, mangh manghteipüthü, lashüh dokpüthü hatü phongyompüthülei shah tebang.

MIKA 5:12

Ngei ammei thihivamthü mahtükhen, hatü am phongyom hingletpü hajük kü nenyuhen.

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

1 SAMUEL 28:7

Hahepak kü Sauli büpalei chongphobüthü kü, “Phongyomteipü nyüha hük yemkütuh; ngei pinnyü touei peiyei phehen hih” shei e. Büpalei chongphobüthüi büpa kü, “Endorlei hük nyüpüja” shei eshuoh.