ISAIAH 8:18 - DAÜLANGPÜ LAIHING (BSI)

¹⁸ Shembüpai ngei kü shuohpü hashihthü mü ngei hammü nyüpeih. Hamphongü Israel am shingvaishi Zion Kahshangei nyupü Shembüpalei dou hük hih.

ISAIAH 8:18 Referans Kwoze

LUK SHAHSHA APPÜ 2:34

Hapheikü Simeoni jomphong kü moihimanei chenyü Mary kü, “Hapa naü-ü Israel kü longshi shing dohühen, hatü phukhen nyangeihepü hük vaihen nangkü jepeih,

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

MENVIH KESHO 71:7

Longi shingvaishi ngeiyü lappü hük nyuhampeih, mehenangkü nüngü ngelei loishing.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

MENVIH KESHO 22:30

Pheinaüi büpa chongphohen; ngoikahen hüshom pheinaüi Shembüpa jung ehen.

MENVIH KESHO 9:11

Zionlei ong uoshingei uopü Shembüpa kü menvih kesho lokeishuoh; büpalei douthü jung jatthü kü baongeishuoh.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

ISAIAH 24:23

Hahepak kü lennyü manghdaihen, vanghenyü nenyahen; mehenangkü Jeiyong Shembüpai Zion Kahshang, hatü haleipü mübüthü shak kü müknyinshekhangshi vanglem lemhen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

ISAIAH 7:16

Shejao hapa naüi ten yaktükhen, hatü jiüpü jehen meishi nyinghen shekü nüng nyemhüpü hapa ongpa nyilei kahdok lavüngtoiyei nyuhen.

ISAIAH 14:32

Philistia leipü peiküpü phongmokbü kü jeni mehe jangei eshuohhen? “Shembüpai Zion chonglingteke, hatü pinnyü kü büpalei taopa shennyakthüi loishing danghen.”

1 SHÜPPÜKENGPÜ 23:25

Davidi, “Shembüpa, Israel Kahvangi büpalei nanglakthü kü nyiushemmei shuoh hatü den kü Jerusalemei nyuhen peidaipü nangkü,

HEBREW 10:33

Chemjemü nanglakthüi am kü ngaiheyei naamteke hatü shüveiteke; hatü lebü hepak kü hapakei aihük mü ponghahpüthü kü ammi sheühteke.

ISAIAH 7:3

Hahepak kü Shembüpai Isaiah kü, “Anha Shear-jeshub anji Ahaz ongpa mü pongteinüng aongtuh. Büpayü dokpa yungkuk leipü yunghow shanpü dohpü touei ashak dhopüthü uoteipü shingei lemnyülei uoshi chongkahen hih.

EZEKIEL 14:8

Ngei büpa khüei yaonghen; ngei büpayü lappü hük hatü mihnyi yangnyai leihühen. Ngei büpayü ngelei nanglak khong kübü katitükhen. Shejüang ammi ngeiyü Shembüpa shei nyinghen.

ISAIAH 8:3

Kanja angpheikü ngelei shembünyü büm nekongi lei, hatü yeshang hük büh. Hahepak kü Shembüpai ngei kü, “Büpa kü Maher-shalal-hash-baz shei mentuh.

KAHBHAO 33:5

Hapheikü Esau chiyei veishingkü nyüha hapeüthü eeteke. “Nüng mü leipü hathü üamang?” shei phe. Jakobi, “Hathüyü nüngei chongphobü kü Kahvangi phahjiyei shuohpü hapeüthü khih” shei e.

SHAHKÜP 28:46

Den kemei am hatü ammei hühihathü shingvaishi hathüyü nyangeihepü hatü thamabenüng nyuhen.

ISAIAH 20:3

Hapheikü Shembüpai, “Ngelei chongphobü Isaiah-i Ijip hatü Kush am khüei mehe vamhen hapa nyangeihepü, hatü lappü hük vaishi bong jem thahshi bümkong hatü labai nyupü keiha,

JEREMIAH 44:29

Ngei hapa shingei am kü shüveihen, hayü am shing nyangeihepü hük nyukahen; shejüang ngei am kü hanghi shuohhen shei epeyü hingmei khih shei nyinghen.

EZEKIEL 4:3

Hapheikü nyiambhaok hük yah-ei nüng hatü chingnyü nyi aa kü bham kei shaungtuh; nüngei dhe halemei meetuh, hatü hapayü shümlangtü nyukahen hatü hapa shümpeyü nüng vaikahen. Hapayü Israel am shingvaishi nyangeihepü hük nyukahen.

EZEKIEL 12:6

Jomi eeshi hanggo anei nüngei bhagchongei paitü vangnyakei ha koei daituh; nüngi meheyao ne-eehen mü mük kü shaklangtuh; mehenangkü ngei Israel am phang shingvaishi nüngü lappü hük leihünyeih.

MENVIH KESHO 9:12

Büpai iy yenshi bhüh yemhahpüthü deih-ei dangnyüpeih; büpai bonghahpüthü lenpü nebetüknyih.

LUK SHAHSHA APPÜ 2:18

hatü mi yombüthüi jomphong kü epü danpüthü peüi thama.