ISAIAH 7:19 - DAÜLANGPÜ LAIHING (BSI)

¹⁹ Jom peü peiyei kahji peü kü, yaongsha peü kü hatü hüh kohpü phenha, hatü phenhavunglak peü kü bakhen.

ISAIAH 7:19 Referans Kwoze

ISAIAH 2:19

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongsha hatü kahsha yemei daihen.

JEREMIAH 16:16

Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.

MIKA 7:17

Biü keiha jomi bhihla laiyei hahhen, jomi biü keiha lüei kamteihen. Jomi Shembüpa, jenei Kahvang kü nyemei leidaihen, hatü amphong kü nyemhen.

ISAIAH 2:21

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongshalei shühen, hatü bhaokei kapü yaong aalei shühen.

2 SHÜPPÜKENGPÜ 33:11

Hanangkü Shembüpai jom khüei Assyria ongpalei veshan mübüthü shomei Manasseh am khoklatei yepei küp, shong kü nyiamphaaki kentü melangnyiami shatü Babylonei müei dei.

MATHI 7:16

Ammi jomei betjük homei jom nyingdaihen. Hühthang kübü nyalingngupai vaümnyu je, nevaijü hüh pü kübü adhajük vaümnyu je?

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

ISAIAH 7:24

Shennyakthüi halei lahhilaong notü yemhimak jününg kamteihen; mehenangkü kahdok kemei hühvüi lümlangtü nyuhen.

ISAIAH 7:25

Chem hepak kü kah linghampü shanghishong peü kü hühvüi jümlangpü nangkü üpaiyao halei nekamteihen; hapayü mohoh hi mi-i het meekshing leidaihen.

ISAIAH 55:13

Hühhihang nangjei awkaongpüthü kohkahen, hatü daümnyak hüh nangjei vong meipü myrtle püthü kohkahen. Hapayü Shembüpa kü nebepü dou hük, mechemao nemahhen denshing nyangeihepü hük nyukahen.

ZEKHARIAH 10:8

Ngei jom kü nyükhen hatü thaiyei leilanghen; Hingmei, ngei jom angei leihen, hatü sheleipükei jom longi nanglak dahen.