ISAIAH 7:14 - DAÜLANGPÜ LAIHING (BSI)

¹⁴ Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 7:14 Referans Kwoze

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

LUK SHAHSHA APPÜ 1:31

Shaang nüngi büm nekongi leihen hatü yeshang hük bühhen, hatü nüngi büpa kü Jisu shei menhen.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ISAIAH 8:8

hapai Judah kü nyüpmaohangküei maoei shanhen, hatü üng thahshi longhen, hatü hapalei yang paanpai kahdokba kemei jümlanghen, Oh Immanuel.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

1 SAMUEL 1:20

Hahepak kü Hannah büm nekongi lei, hatü yeshang hük büh. Pinnyüi naü kü, Samuel, lappai, “Ngei büpayü SHEMBÜPAleipü yühahpeih” shei men.

1 SAMUEL 4:21

Pinnyüi hapa naü kü Ikabod, lappai, “Israel kübü müknyinshekhang yandaiteke” shei men; mehenangkü Kahvangei Vangpüshuwpü Pela yahlang; chepahalei chepa hatü chepahayao didai.

KAHBHAO 30:8

Hahepak kü Racheli, “Ngei onya mü mangpü vehok hokpeih, hatü ha ngei neüpeih” shei e. Hanangkü pinnyüi naü kü Naphtali shei men.

KAHBHAO 29:32

Leah büm nekongi lei, hatü yeshang hük büh. Pinnyüi naü kü, Reuben shei men. Mehenangkü pinnyüi, “Shembüpai ngelei mongshang eepü nangkü hingmei shaangü ngelei bahai ngei kü bamphahen” shei e.

KAHBHAO 30:6

Hahepak kü Racheli, “Kahvangi ngei dah shakhüteke; büpai ngei khümpü danei yeshang hük shuohteke” shei e. Hanangkü pinnyüi naü kü Dan shei men.

KAHBHAO 4:25

Shao Adami chenyüha mü jem, hatü pinnyüi yeshang hük büh hatü naü kü Seth shei men; mehenangkü pinnyüi “Kaini Abel jütükpü nangkü ha nangjei Kahvangi ngei kü shao lebü hapeü hük yahphopeih” shei e.

KAHBHAO 16:11

Shembüpalei phongshani shao pinnyü kü eteke: “Nüng sheyü hapeü nyüke, hatü yeshang hük bühhen. Nüngi büpa kü Ishmael shei menhen; Mehenangkü Shembüpai nüngei mongshang nyingteke.

LUK SHAHSHA APPÜ 2:12

Hapayü am shingvaishi nyangeihepü hük nyukahen: amphongi naü hük ashaki jümtü mohoh hetshungei lemshi eehen” shei e.

ISAIAH 38:7

Shembüpai mehe lahtepa, ha dükhen; hapayü SHEMBÜPAleipü nüng shingvaishi nyangeihepü hük nyukahen.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

JEREMIAH 44:29

Ngei hapa shingei am kü shüveihen, hayü am shing nyangeihepü hük nyukahen; shejüang ngei am kü hanghi shuohhen shei epeyü hingmei khih shei nyinghen.

SHAHPHENBÜTHÜ 6:36

Hahepak kü Gideoni Kahvang kü, “Israel am yanghen shingvaishi nüngi ngei noteihen hih shei epeih.

1 ONGPATHÜ 13:3

Ha nyih-üng hapa Kahvang shennyaki nyangeihepü hük shuoh: “Shembüpai epü nyangeihepeyü hapa khih: Hapa moidü nyi anei kadaihen, hatü haleipü depla peü haidaihen” shei e.

MENVIH KESHO 46:8

Peiyei Shembüpalei douthü kü veituh; büpai kahdoknyü kü lavüngtoipü koei peipü kü veihümao.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

LUK SHAHSHA APPÜ 20:44

Davidi büpa kü Shembüpa shei nyük; shejema mekei etü büpayü büpalei ha vaihenang? shei e.