ISAIAH 7:13 - DAÜLANGPÜ LAIHING (BSI)

¹³ Hapa kü Isaiah-i jangei, “Shaang bangtuh, Oh Davidei hühihathü! Shennyak nyiueinangei leihüpeyü maanteke shei deihshi ngelei Kahvangao nyiueinangei leihühen deihpü je?

ISAIAH 7:13 Referans Kwoze

ISAIAH 43:24

Ammi ngei kü vong meipü meli neshakpha, nevaijü ammei yemhimak cheüi ngei mongneonghü. Shejao ammei mangi ngei kü hanggovih shuohpeih; am pungpüshaipai ngei nyiuhünanghüpeih.

MALAKI 2:17

Am langmaanshapshüpai Shembüpa nyiuhüteke. “Hami mekei Shembüpa nyiuhüpa?” shei ammi enyüke. “Üami mang düknya, Shembüpai ha lümnyüpeih, hatü büpai hathü kü mongongnyeih” shei epai nevaijü “Shahhing Kahvang melei nyüpa?” shei phepai Shembüpa nyiuhüteke.

EZEKIEL 34:18

Ammi hahhen thüngkon meipü changshi neshiüang je? Aopü thüngkon kemei la-i shouptükhen je? Amphong shing yinghen yung meipü changshi neshiüang je? Aopü yung kemei mak dungtükhen je?

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

HEBREW 3:10

Hanangkü ngei hapa hühihathü kü mongshihpeih, hatü ‘Jomei mongdang düngei lemnyong kü dainyüke, hatü jomi ngelei lemthü nenying’ shei ngei epeih.

AMOS 3:13

Hapa bangtuh, hatü Jakob phang khüei denpü shuohtuh shei Jeiyong Shembüpai enyüke.

EZEKIEL 16:20

Ngei kü bühphopü ammei hapeüthü ami yah-ei daiyei lajeithü kü jakpü moila vaishi shuohtükteke. Ngei kü hingnelempü nemeipü dou nevaipü je?

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

ISAIAH 1:24

Hanangkü Shembüpa, Jeiyong Kahvang, Israel amei Wong kohpü Hüki hapakei enyüke: ‘Oh, ngei ngelei vepathü kü ngelei mongshih khüpei langshuohhen hih, hatü ngelei vepathü kü ngei bhüh yemhen hih.

2 SHÜPPÜKENGPÜ 21:7

Shejoongpa Shembüpai David mü vangpüshuwpü lingpü nangkü Shembüpai David am shem nemahtükhü; mehenangkü büpai Davidei hühihathüi düngei vanglem lemhen shei vangeishuwpü lingteke.

BHEI-IE 16:13

Amma hatü nyahjiü yenpü kahdok leipü jahpanei ham dihününg müei daipaiyao nüng kü mongnehamang je? hatü shaangao nüngü ham shak kü shembü vaihüpü je?

BHEI-IE 16:9

Israel Kahvangi am lebü Israel am khong kübü hayaoha anei Shembüpalei ashakshemei chongphohen shingvaishi büpa yopailei deiyei khong khong chongphohen dousho shuohpeyü douha hih shei deihnyu je?

KAHBHAO 30:15

Shejao pinnyüi pinnyü kü, “Nüngi ngelei baha yahlangpü hapaiyao nechangang je? Nüngi ngelei hapeüi kopü moipaipü-ao yahhen je?” shei e. Racheli, “Meiteke, anhai kopü moipaipü nangjei sheya nüngi Jakob mü shituh” shei e.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

LUK SHAHSHA APPÜ 1:69

Büpai ham shing yemleipü vaung hük büpalei chongphobü David am phang kübü vamhüteke.

MENVIH KESHO 45:5

Nüngei lahhan deplükpai ongpa khüpü vepathülei mongdang kü hümtuh; jatthüi nüngei la tüngei doei lemhütuh.

ISAIAH 1:14

Ngei ammei Lenja Mothü, hatü ammei monyü moha kü jiühitnyeih. Hathüyü ngei kü hanggovih khih, hatü ngei hathü kü tengangke.

ISAIAH 7:12

Shejao Ahaz-i, “Ngei neyüpih; ngei Shembüpa kü nedokpih” shei e.

ISAIAH 22:22

Ngei büpalei bhagchong kü David am phangei sabi sheühen; büpai mehe aptük, ha üpaiyao neküp-aokhen, hatü mehe büpai küptük, ha üpaiyao ne-apaokhen.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.