ISAIAH 7:11 - DAÜLANGPÜ LAIHING (BSI)

¹¹ “Shembüpa, nüngei Kahvang kü nyangeihepü hük yütuh; hapayü dipü ching Sheol kei chüshi nevaijü vangsho kei shaoshi nyuhen aok” shei e.

ISAIAH 7:11 Referans Kwoze

ISAIAH 37:30

Hapayü nüng shingvaishi nyangeihepü ha chongkahen shei Isaiah-i Hezekiah ongpa kü e: “Shenüngü mehe pinnyü nyingnying vamei jükkahenshang hapa hahtuh; ngüvangao haleipü mehe vamei jükkahen ha hahtuh; shejao bong jempabü keyü sheili haituh, vettuh, nyalingngupai sheituh, hatü haleipü betjük hahtuh.

ISAIAH 38:22

Hahepak kü Hezekiah ongpai, “Ngei Shembüpalei Phopshemei aongaokhen mü nyangeihepü mehe huphahenang?” shei phe.

2 ONGPATHÜ 19:29

Hahepak kü Isaiah-i e, “Nüng shingvaishi nyangeihepü hük ha nyukahen, Oh Hezekiah: Shenüngü mehe nyingnying vamei jüknya, ha hahtuh, hatü bong nyipabü keyü mehe ha kübü vamei jükkahenshang ha hahtuh, hatü bong jempabü keyü sheituh, hatü vettuh; nyalingngupai sheituh hatü hapa betjük hahtuh.

JEREMIAH 19:10

Nüng mü daipüthü veishi nyushi hapa dük bhaotüktuh,

JEREMIAH 19:1

Shembüpai ngei kü hapa eteke: “Daituh, hatü dük shükbü leipü haümdük hük shaktuh. Nüng mü nanglak khong kübü behethü hanei hatü ngongpathü behethü hanei mühahtuh,

LUK SHAHSHA APPÜ 2:12

Hapayü am shingvaishi nyangeihepü hük nyukahen: amphongi naü hük ashaki jümtü mohoh hetshungei lemshi eehen” shei e.

MÜLANGPÜ 7:9

“Mechem Pharaoh-i anji kü, ‘Yashanpü dou düktuh’ shei ephahenshang, Aaron kü büpalei lenshuoh yah-ei Pharaoh tou kü shükeishuoh shei eyeishuoh hatü ha biü leikahen.”

ISAIAH 7:10

Shao Shembüpai Ahaz kü,

ISAIAH 7:12

Shejao Ahaz-i, “Ngei neyüpih; ngei Shembüpa kü nedokpih” shei e.

ISAIAH 55:13

Hühhihang nangjei awkaongpüthü kohkahen, hatü daümnyak hüh nangjei vong meipü myrtle püthü kohkahen. Hapayü Shembüpa kü nebepü dou hük, mechemao nemahhen denshing nyangeihepü hük nyukahen.

JEREMIAH 44:29

Ngei hapa shingei am kü shüveihen, hayü am shing nyangeihepü hük nyukahen; shejüang ngei am kü hanghi shuohhen shei epeyü hingmei khih shei nyinghen.

1 ONGPATHÜ 13:3

Ha nyih-üng hapa Kahvang shennyaki nyangeihepü hük shuoh: “Shembüpai epü nyangeihepeyü hapa khih: Hapa moidü nyi anei kadaihen, hatü haleipü depla peü haidaihen” shei e.