ISAIAH 7:1 - DAÜLANGPÜ LAIHING (BSI)

¹ Mechem Jothamei cheha, Uzziahlei chehü Ahaz ongpai Judah kü vanglem lemei nyupa, Aram am Rezin ongpa hatü Remaliahlei cheha Pekah, Israel amei ongpa nyi Jerusalem hahhen shingvaishi aong, shejao jomi nehah-aok.

ISAIAH 7:1 Referans Kwoze

2 ONGPATHÜ 15:37

Büpa vanglem lempü nyih kü Shembüpai Judah am hahhen shingvaishi Aram am Rezin ongpa hatü Israel am Pekah ongpa nyi shomteke.

2 ONGPATHÜ 16:1

Remaliahlei cheha Pekah Israel kü ong vaipü bong anpünyetpabü kü Jothamei cheha Ahaz-i Judah kü ong vaiteke.

ISAIAH 8:6

Mehenangkü hathü nanglakthüi nenmü yenpü Shiloah yungyen tuhphongtü Rezin ongpa hi Pekah ongpa nyi kü nyempü nangkü;

ISAIAH 1:1

Judah kü Uzziah, Jotham, Ahaz hatü Hezekiah hathüi ong vaipü hepak kü Amozlei cheha Isaiah-i Judah hatü Jerusalem nangkü eepü manghkhang.

2 ONGPATHÜ 15:25

Büpalei lakchongbü longpü hük, Remaliahlei cheha Pekah-i büpa khüei phaüshah show. Büpa mü Gilead am shennyak pinyipüan mütü büpai Pekahiah mü Argob hatü Arieh nyi Samaria Chingnyü ongshemei jü. Hanangkü Pekah-i Pekahiah jütü büpa jeiyei ong vaiteke.

2 ONGPATHÜ 15:27

Judah kü Azariah ongpai vanglem lempü bong pinyipüanpünyipabü kü Remaliahlei cheha Pekah-i Samarialei Israel kü ong vai, hatü büpai bong kukha vanglem lem.

2 ONGPATHÜ 16:5

Hahepak kü Aram am Rezin ongpa hatü Israel am Remaliahlei cheha Pekah ongpa nyi Jerusalemei hokhen aong, hatü Ahaz shümei yah, shejao jijinyi-i büpa neneüaok.

ISAIAH 9:11

Hanangkü Shembüpai jom khüei vepathü vamhü, hatü jomei vepathü mongnang thonghüteke.

EZEKIEL 27:16

Ammi dou longi lingei ngaiaokpü nangkü Aram ami am mü bhei leihteke; jomi ammei dou mü thüngshingpü douvang yaong, manghshempü ashak, hoipü ashak, meipü nyemin ashak, yungching mongeipü douvang yaong shuohpeih.

HOSEA 1:1

Judah amei ongthü, Uzziah, Jotham, Ahaz, hatü Hezekiah hepak kü, hatü Joashlei cheha Jeroboami Israel kü ong vaipü nyih kü Beerilei cheha Hosea touei Shembüpalei shah peiteke:

MIKA 1:1

Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.