ISAIAH 64:9 - DAÜLANGPÜ LAIHING (BSI)

⁹ Nüng ahshi mongshih te-ankei, Oh Shembüpa, hatü denden kü hamei mang deih-ei tedangkei. Hamü nüngei nanglakthü, phahjishihma.

ISAIAH 64:9 Referans Kwoze

MENVIH KESHO 79:13

Shejüang ham, nüngei nanglakthü, nüngi haümpü mithüi den kü nüng men vihhen; hüdenhalenshi hami nüngei men den kü longhen.

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.

2 PETER 2:17

Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

MALAKI 1:4

Edom ami, “Hamü ngümei mangtükjao shao lingei leihen” shei ejema, Shembüpa Kahvangi hapakei enyüke: “Jomi linghen aok, shejao ngei ha bentükhen. Jom kü mang kahdok, Shembüpalei mongshih phangkü nyupü nanglakthü shei nyükhen.

HABAKKUK 3:2

Oh Shembüpa, nüngei menmei jung ngei dantepih, hatü nüngei dou kü ngei nyemei nyunyüpeih, Oh Shembüpa. Hamei nyihhihe kü ha jatonghütuh; hamei hepak kü ha nyinghütuh; mongshih shingkü nüngi phahjihen deih-ei dangte.

YOUNG LAI 5:20

Mehekei nüngi chemjalak kü ham betükpa? Mehekei nüngi nyih luangi ham yakphongpa?

JEREMIAH 10:24

Oh Shembüpa, ngei neshiüi leidaimangkü nüng mongshih-ei nevai, shejao shahhingi ngei kü yeanpü yahshih.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

ISAIAH 63:19

Aivang den mebü hamü nüngei nanglak nyuhampeih; shejao luangi nüngi vanglem nelempü nanglakthü keiha, hatü nüngei men kü nenyükpü shennyakthü kei nyupeih.”

ISAIAH 60:10

Kung ami ammei bhamthü lingphahen, hatü jomei ongthüi am chongphohen; Ngei mongshihpai am kü bheiteke, shejao ngei bampai am kü phahji hupeih.

ISAIAH 57:17

Jomei hahnempü mang kü ngei mongshihpeih, ngei jom hanghihü, hatü mongshih-ei ngelei dhe jodaipeih, shejao jomi jomei lemthü kü mon nyokei leidainyüke.

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

MENVIH KESHO 119:94

Ngei nüngei shing; ngei yangtuh; mehenangkü ngei nüngei shahkungthü yemtepih.

MENVIH KESHO 38:1

Oh Shembüpa, nüng mongshihpai ngei kü telohpha, nevaijü nüng mongpuk vamei ngei kü temangpha.

MENVIH KESHO 6:1

Oh Shembüpa, nüng mongshihpai ngei kü telohpha, nevaijü nüng mongpuk vampai ngei kü hanghi teyahpha.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

JEREMIAH 44:21

“Am hatü ammei bühipa, ammei ong hatü lakchongbüthü hatü hapa kahdok leipü nanglakthüi Judah jilathü hatü Jerusalem chingyangshong kü ayingshü jakei khümpü Shembüpai ha betüktü nedeihnyih shei deihnyu je?

YOUNG LAI 5:22

Nüngi chemjalak kü ham yaktükei neshiü, hatü ham kü mongshih-ei neshiü.

EZEKIEL 29:16

Hajük kü Ijip amü Israel am mongnyang shing nevaihen, shejao pinnyü kü mongnyangpü nangkü mang thahpü khih shei deih-ei danghen. Shejüang jomi ngeiyü Shembüpa Kahvang khih shei nyinghen.

LEVI 26:31

Ngei ammei chingnyü mangtükhen; ammei khümshing lavüngtoiyei tuhphonghen, hatü ammei vong meipü moila ngei neyahhen.

2 ONGPATHÜ 25:9

Büpai Jerusalem moilashem, ongshem hatü Jerusalemei nyupü shemthü peü awi haptük. Shongnyü shemthü peü awi haptük.

ISAIAH 63:18

Kanja shing mon nüngei nanglakthüi daülangpü shing khüamei nyuteke, shejao hamei vepathüi hapa shing nyeütükteke.

YOUNG LAI 2:7

Shembüpai büpalei moidü, hatü daülangpü Phopshem yaktük; Büpai vepathü kü ongshem leipü bham bentükhen han; Mohitap nyih kü kei jomi aokpü dangei Shembüpalei Phopshemei leneiwong.

YOUNG LAI 5:18

Zion Kahshang lavüngtoiyei leidaipü nangkü mahuthü vaüei longteinyüke.