ISAIAH 64:8 - DAÜLANGPÜ LAIHING (BSI)

⁸ Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

ISAIAH 64:8 Referans Kwoze

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

MENVIH KESHO 119:73

Nüngei laki ngei ling, hatü yeanei lingpeih. Nüngei shahkungnyü nyinghen ngei kü danaokpü kon yahshih.

MENVIH KESHO 138:8

Shembüpai ngei shingvaishi büpalei mükhong jiühühen; nüngi bampü den kü nyunyeih, Oh Shembüpa; nüngei laki lingpü douthü nüngi tebetükma.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

ISAIAH 29:16

Ammi douthü kemei shakhimong leitüknyüke! Dük shükbü kü haüm kahdok kü kei noteihen je? Lingpü doui lingbü kü, “Nüngi ngei nelingangpih” shei eaokhen je? Nevaijü dük hüki dük shükbü kü, “Nüngi meheyao nenyingnyu” shei eaokhen je?

ISAIAH 45:9

Laophülei Lingbü mü, hatü haümdüki dük shükbü mü depeyü onyükei! “Nüngi mehe lingnya?” shei ashemi dük shükbü kü eaokhen je? Nevaijü haümdüki dük shükbü kü nüngei lakdou nemeiang shei eaokhen je?

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

ISAIAH 44:21

Hathü deih-ei dangtuh, Oh Jakob, amphongü ngelei chongphobüthü, Oh Israel. Ngei amphong lingpeih; amphongü ngelei chongphobüthü; Oh Israel, ngei amphong nebetükpih.

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

GALATIA 3:29

Amphong Khristalei vaijema, amphongü lahpü aimü mükjüp yahpü Abrahamei lithü nyüke.

MÜLANGPÜ 4:22

Hahepak kü nüngi Pharaoh kü, “Israel amü ngelei hashongpa shei Shembüpai enyüke” shei etuh.

JOHAN 8:41

Amphongiyü ampa ami mehe dük, ha düknyüke” shei e. Jomi büpa kü, “Hamphongü shounghathü nevaipih; hamei pa hük nyüpeih, hayü Kahvang” shei e.

JOB SHAHSHA APPÜ 10:3

Nüngei laki lingpü dou kü shüveihen, hatü ne-ienelemhen, hatü nemeipü amei küpjan meiangke je?

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 19:25

Jeiyong Shembüpai jom kü moihimanhen hatü, “Ngei nüng kü moihimanhen, ngelei nanglak Ijip; ngei lingpü Assyria am; hatü Israel am, ngelei mükjüp jathili” shei ehen.

ISAIAH 45:11

Shembüpa, Israel amei daülangpü Kahvang, hatü hapa Lingbüi hapakei enyüke: “Ngelei hapeüthü nangkü nüngi phehen je? nevaijü ngelei lakdou nangkü nüngi ngeükhüam shuohhen je?

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

MALAKI 2:10

Jen peüei pa hük nyüpü nevaipü je? Kahvang hüki jen peü nelingangpü je? Shejema mehekei jenei bühipathüi Kahvang mü vangeishuwpü mangei hüki hük khüei luteilemteinya?

MÜLANGPÜ 32:12

Mehekei Ijip ami, ‘Jomü kahshangei jütükkemhen, hatü kahdok shak kübü li hümtükhen nangkü nemeipü küpjani müei deipeih’ shei ehühenang? Nüng mongshih anpü kübü, hatü nüngei nanglakthü kü shanghah koei peihen nyupü kübü mong leituh.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”

MENVIH KESHO 74:1

Oh Kahvang, mehekei ham hapakei düngei yakphongnya? Mehekei nüngi haümhahpü mi kü nüngei mongshih awshit vamhünya?

MENVIH KESHO 95:6

Oh peikei, jeni aümei khümshah, jeni Shembüpa, jen Lingbü kü lashüh-i shüngei aümei khümshah!

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.