ISAIAH 64:12 - DAÜLANGPÜ LAIHING (BSI)

¹² Hathü peü eetü, Oh Shembüpa, nüngi meheyao nedüki nenmü nyudaihen je? Hatü hami nenenaokhen mü ham kü hanghi shuohhen je?

ISAIAH 64:12 Referans Kwoze

ISAIAH 42:14

Hepak luangi ngei nenmü nyudaipeih, ngelei nanglakthü kü nejangi ngei nenmü nyudaipeih. Shejao shaangü ngei nyü hüki hapeü bühshingkü vaüpü keiha vaühen.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

MENVIH KESHO 83:1

Oh Kahvang, nüng nenmütenyudai; nüngi shah ne-e-i tenyudai, Oh Kahvang!

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

MENVIH KESHO 10:1

Oh Shembüpa, mehekei nüng ngei toueipü taishi lüdainya? Shanghahpü nyih kü mehekei nüng jodainya?

ISAIAH 63:15

Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.

ISAIAH 65:6

“Veituh, hapayü ngei nyangtüktü nyüpeih; Ngei nenmü nenyupih, jomi dükpü shangshi shuohhen; Ngei jomi dükpü shangshi