ISAIAH 61:1 - DAÜLANGPÜ LAIHING (BSI)

¹ Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 61:1 Referans Kwoze

LUK SHAHSHA APPÜ 7:22

Hanangkü büpai phongmokbüthü kü, “Leituh, hatü ammi mehe ee, hatü dan ha Johan kü eyeishuoh: Mükphüngpüthüi eenyüke, lakhopüthü kamnyüke, ngombüthü meidainyüke, aangdaipüthüi dannyüke, didaipüthü yangei leishihnyüke, taopathü kü shahjangmei chongvennyüke.

ISAIAH 42:7

Amphongi mükphüngpüthülei mük aphühen, hatü vangnyak kü khoklatei uoshi nyupüthü ngailanghen.

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 49:9

Khoklatei nyupüthü kü, “Vamdaikei” hatü vangnyak kü nyupüthü kü, “Vangngailei vamdaikei” shei ehen. Jomü lemhaoei hahying yemhahhen, hatü phaükong kü phenhavunglak hahhen danghen.

MENVIH KESHO 34:18

Shembüpayü mongdang mangpüthü yopailei nyüke, hatü laangha mangpüthü yangnyeih.

ISAIAH 48:16

Ngei yopailei heih-ei ha bangtuh! chongpangpülei-üng ngei joshi ne-eangpih; hapa vampü hepak kao ngei hamü nyuhampeih. Hatü shaang Jeiyong Shembüpai ngei büpalei laangha mü ngei shompeih.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

MATHI 3:16

Jisu baptükhinüng yungeipü vam. Hahepak kü vangsho shaden aptü athuba keiha Kahvang Laangha vangsho leipü yiüei büpa kü bakteke,

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

MENVIH KESHO 45:7

Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

MENVIH KESHO 102:20

Khoklatei nyupüthüi theppüyoungpü dannyeih; dihen nyupüthü bümei leihünyeih.

MENVIH KESHO 51:17

Kahvang touei yah-aokhenüng moilayü laangha mangpü; mongdang mangpü hatü mongleipü mongdang, nüngi ha neyaktükpih, Oh Kahvang.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

2 KORINT 7:6

Shejao Kahvang, üpai mongshangpüthü nyiushem meihünya, Titus peihüpai ham nyiushem meihüpeih,

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

MENVIH KESHO 69:32

Ponghahpüthüi ha kü veitü mongmeihütuh; am Kahvang yempüthü, ammei mong jatonghütuh.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

MENVIH KESHO 25:9

Büpai maanpü leipüthü jiüpü kü mülangnyeih, hatü büpalei lemthü nyuhnyeih.

JOHAN 1:41

Büpai shongei chejei Simon pongei büpa kü, “Hamphongi Messiah, (lappai, Khrista) pongpeih” shei e.

MENVIH KESHO 149:4

Mehenangkü Shembüpai laophülei nanglak kü monghahnyeih; büpai maanpü leipüthü aokpü danghünyeih.

PHONGSHANTHÜ DOU 4:27

Mehenangkü hapa chingnyülei Herod hi Pontius Pilat nyi mü Kung am hatü Israel nanglakthü chemi thaitü nüngi jepü nüngei daülangpü chongphobü Jisu khüei yaongnyüke.

JEREMIAH 34:8

Aathü peü kü bümei hean shuohhen shei Zedekiah ongpai Jerusalem nanglakthü mü vangpüshuwpü lingpheikü Shembüpalei shah Jeremiah touei peiteke.

ISAIAH 52:9

Chemi mongongpai kesho loktuh, Oh bendailangdaipü Jerusalem; Mehenangkü Shembüpai laophülei nanglak nyiushem meihüteke, büpai Jerusalem angei leiteke.

2 KORINT 3:17

Shaang Shembüpayü Laangha, hatü melei Shembüpalei Laangha nyu, halei bümei nyüpeih.

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

ISAIAH 30:19

Oh Jerusalemei nyupü Zion nanglakthü, am hajük kü netheppih. Ammi vaüpü eepü ngeü danei büpai am kü phahjiei deihhen; mechem büpai ha danhen büpai jangphahen.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

ISAIAH 32:7

Shahhing ne-epü amei lemü ten mon nyüpeih. Nehahneyingpüthüi jiüpü kü yülangmao, shahshem eyei jomi yüpü mangtükhen shingvaishi jomi küpjan nemeipü yemnyeih.

ISAIAH 40:9

Kahshang shaopülei aongtuh, Oh Zion, shahjang meipü baongeishuoh; Wongmü ngeüwong antuh, Oh Jerusalem, shahjang meipü yaneishuoh. Nyempü neshiüi etuh; Judah jilathü kü, “Ammei Kahvang peikünyüke” shei eyeishuoh.

ISAIAH 52:7

Phongmokbü hüki kahshangthü homei chingmeivangmei baongei, shahjangmei kotü yemleipü baongei Zion am kü, “Ammei Kahvangü Ongpa” shei peipü la meshük nethe meipa!

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

MIKA 3:8

Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

MÜLANGPÜ 28:41

Hathü owhiai anjei Aaron hatü chehathü kü oweishuoh, hatü jomi ngei kü ngongpathü vaishi chongphohen shingvaishi lanei shuoh-ei mainga-i nyioei daühütuh.

MÜLANGPÜ 29:7

Nüngi nyiohen mainga yahtuh, hatü ha büpalei shangjing kü langei thiteiphutuh.

LEVI 7:35

Jom ngongpathü vaihen jepü nyih mebü Aaron hatü chehathü kü Shembüpa kü jakpü moila shuohpü kübü hanshuohpü hean nyüke.

MENVIH KESHO 68:7

Oh Kahvang, mechem nüng nanglakthü touei daihen, mechem nüng jahpan homei daihen,

JEREMIAH 52:33

Hanangkü Jehoiakini büpalei khoklat leipü ow bhühtüktü düngei ongpalei nükdülei hahyingei nyu.