ISAIAH 60:3 - DAÜLANGPÜ LAIHING (BSI)

³ Ammei vangngai touei jatthü peikahen, hatü ammei vangngai eeyei ongthü thaikahen.

ISAIAH 60:3 Referans Kwoze

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

SHAKEI VAMPÜ 21:24

Jatthüi hapalei vangngai kü kamhen, hatü kahdoknyü ongthüi halei jomei müknyinshekhang koei peihen.

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

PHONGSHANTHÜ DOU 15:17

shejüang lebü shennyakthü peüi Shembüpa yemhen, hatü ngelei men kü nyükpü Kung am peü. Hathü douthü dükpü Shembüpai enyüke;

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

ISAIAH 49:12

Veituh, jomü tailu leipü hanei apsha, hanei pehephi kübü, hatü hanei Aswan kahdok leipü peikahen.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

MENVIH KESHO 138:4

Kahdoknyü ongthü peüi nüng kü vihhen, Oh Shembüpa, mehenangkü jomi nüngei shah danteke.

MENVIH KESHO 68:29

Nüngei phopshem Jerusalemei nyupü nangkü ongthüi nüng kü thintho konyüke.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

AMOS 9:12

Shejüang Edom ami mehe aoei tuh, ha Edom ami yahlanghen, hatü ngelei men kü nyükpü jatthü peü kemei Shembüpai ha douthü dükkahen shei enyüke.

ISAIAH 66:12

Shembüpai hapakei enyüke: “Ngei yungnyüyen keiha pinnyü kü chingmeivangmei shuohhen, hatü jatthülei mop yungnyübüng keiha shuohhen; Nyüi hapeü kü jungpü keiha amü pinnyülei lak, hatü shüngkung shangkü paümshi junghen.

ISAIAH 60:16

Ammi jatthülei amma yinghen: ongthülei nyühaüm kü choihen. Shejüang ammi ngeiyü am yemleipü Shembüpa, wong longpü Israel Kahvang shei nyinghen.

ISAIAH 60:10

Kung ami ammei bhamthü lingphahen, hatü jomei ongthüi am chongphohen; Ngei mongshihpai am kü bheiteke, shejao ngei bampai am kü phahji hupeih.

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

MENVIH KESHO 2:10

Hanangkü ongthü, kon kohtuh; shahvüng bangtuh, amphong vanglem lempüthü.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

MENVIH KESHO 102:22

Nanglak hatü ongchingthü chemi Shembüpa khümnüng thainyüke.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

ISAIAH 62:2

Jatthüi ammei daülangshemshepü, hatü ongthüi ammei müknyinshekhang eehen; Amphong kü men ja hük menhen, hapayü Shembüpalei ju kübü vamei menhen.

MENVIH KESHO 102:16

Mehenangkü Shembüpai Zion linghen; büpa müknyinshekhangpü kü vamkahen.