ISAIAH 6:9 - DAÜLANGPÜ LAIHING (BSI)

⁹ Hanangkü büpai ngei kü daiyei nanglakthü kü hapa shahjang etuh shei e: “Amphongi düngei dannyüke, shejao nenyingnyu; düngei veinyüke, shejao ne-eenyu.

ISAIAH 6:9 Referans Kwoze

LUK SHAHSHA APPÜ 8:10

Büpai, “Amphong kü hapa Kahvang ongching shahjo nyinghen shuohtepih; shejao lebüthü kü ngei shahlapi enyeih, shejüang ‘Veijao jomi ne-eehen, hatü danjao jomi ha nenyinghen’ ” shei e.

MARK 4:12

shejüang jomi veihen shejao ne-eehen, banghen shejao nedanaokhen; hei nevaijema jom Kahvang philei lephen hatü mang tükpü danghen” shei e.

JOHAN 12:40

“Büpai jomei mük phüngtük, hatü jomei mong vaantük, hanangkü jomei müki neveiaok, hatü jomei mongi nenyingaoki lepdai– hatü ngei jom meitükhen.”

ROM SHAHSHA APPÜ 11:8

Hapa nyangei nyüke: “Kahvangi jomphong kü vaükpü laangha, ne-eehen mük, nedanhen dhaong shinnyih thahshi shuohtük.”

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

ISAIAH 43:8

Nanglakthü üam mük nyu, shejao mük phüngdai, üam kü dhaong nyu, shejao aangdai hathü leituh.

HOSEA 1:9

Shembüpai Hosea kü, “Büpa kü Lo-Ammi shei mentuh; mehenangkü Israel amü ngelei nanglak nevai, hatü ngei jomei Kahvang nevai” shei e.

SHAHKÜP 29:4

Shejao shinnyih thahshi Shembüpai am kü danaokhen mongdang, eehen mük hatü danhen dhaong mangshuoh.

KANDOK 28:5

Shennyaktenthüi shahhing nyingei neaoknyih, shejao Shembüpa yempüthüi hapa meishi nyingnyüpeih.

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

ISAIAH 29:14

Hanangkü shao chem hapa shennyakthü kü hanbenüng, yashanbenüng dou dükhen; nahpüthülei kihikon mahtükhen, hatü yao-aokpüthülei kon nyatükhen.”

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

ISAIAH 28:13

Hanangkü jom shingvaishi Shembüpalei shah-ü, “Dük khan dük, dük khan dük; shahkung kü shahkung, shahkung kü shahkung; hatouei maani, antolei maani” shei nyuhen. Hanangkü jom daiyei dohen, ma yahhen, vepalei lak kü shühen, hatü khoklatei küphen.

ISAIAH 42:20

Amphongi douthü longi eeteke, shejao ha nyingei neyahnyu; danhen dhaong kohshi nyüke, shejao meheyao nedannyu.