ISAIAH 6:3 - DAÜLANGPÜ LAIHING (BSI)

³ hatü jomphong hüki hük kü nyüktü e: “Daülangpü, daülangpü, daülangpü Jeiyong Kahvang; Kahdoknyü kemei büpalei müknyinshekhangi maei nyüke.”

ISAIAH 6:3 Referans Kwoze

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

EZRA 3:11

Duei-ouei jomi Shembüpa kü menvih shuoh-ei hapakei jangteiyei lokteke: Shembüpai chongnyiam yaong haüpü nangkü nanglakthü peüi Shembüpa kü menvih shuoh-ei jangteiyei wongmü lenteke: “Mehenangkü büpa meipü nyüke; büpai Israel am kü bampü denden kü nyüke.” Hatü nanglakthü peüi ngeüwong anei Shembüpa kü menvih shuohteke; mehenangkü Shembüpalei shem chongnyiam yaong haüteke.

BHEI-IE 14:21

Shejao hingmeipa, ngeiyü vanyangyem Kahvang, hatü kahdoknyü peü Shembüpalei müknyinshekhangi mahen.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

ZEKHARIAH 14:9

Hapa nyih, kahdoknyü peü kü Shembüpa mon ong vaihen; Shembüpa hük mon nyuhen, hatü büpalei men mon chongkahen.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

ISAIAH 24:16

Kahdoknyü dohpü phileipü “Daülangpü Hük kü müknyinshekhangtuh” shei lokpü hami dannyüke. Shejao, “Ngeiyü jaangteke! ngeiyü jaangteke! Ngeiyü onyükei! Ühingnakaipüthüi ngei yuhahteke!” shei ngei eteke.

MENVIH KESHO 57:11

Vangshothü shak kü nüng longei aongtuh, Oh Shembüpa, nüngei müknyinshekhang kahdok peü shak kü nyuhütuh.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

HABAKKUK 2:14

Shejao yungi yungching mapü keiha, kahdoknyü-ü Shembüpalei müknyinshekhang nyingpai maei nyuhen.

MENVIH KESHO 90:16

Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

MENVIH KESHO 97:6

Vangshothüi büpa daülangshemshepü baongnyüke, hatü nanglak peüi büpalei müknyinshekhang eenyüke.

MENVIH KESHO 99:3

Jomi longpü hatü nyempühanpü nüngei men longhütuh. Büpayü daülangpüba!

ISAIAH 54:5

Mehenangkü am Lingbüyü ammei baha, Jeiyong Shembüpayü büpalei men; Daülangpü Israel Kahvangü am Yemleibü; Büpa kü kahdoknyü peüi Kahvang shei nyüknyüpeih.

EZEKIEL 43:2

Halei Israel Kahvangei müknyinshekhang heongphi leipü peiteke; hapalei ngeü yungching ngeü kei vam, hatü kahdoknyü kü vangngai khangteke.

EZEKIEL 44:4

Hapheikü büpai ngei apshaphi peshaden homei phopshem chingshe philei deiteke, hatü ngei veishingkü Shembüpalei müknyinshekhangi phopshem maei nyu, hatü ngei dhe aümei sha.

MENVIH KESHO 8:2

Vepathü nyupü nangkü, vepathü hatü bhüh yempü am dohhühen nangkü nüngi aküngnaüha hatü hashihthülei ju kübü menvih nüngi dangnyüke.

MENVIH KESHO 66:2

büpalei men müknyinshekhangpü jungloktuh.

MENVIH KESHO 99:9

Shembüpa, jenei Kahvang vihtuh, hatü büpalei daülangpü kahshangei khümtuh; mehenangkü Shembüpa, jenei Kahvangü daülangpü.