ISAIAH 6:2 - DAÜLANGPÜ LAIHING (BSI)

² Büpa shak kü Seraphthü yang kukvok baong kohtü nyu: Yang nyi-i jomei dhe kü jüm, yang nyi-i jomei la kü jüm, hatü yang nyi-i piteke,

ISAIAH 6:2 Referans Kwoze

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

EZEKIEL 1:11

Yemha ieyeilei yang nyi baong khangei aong, hatü hapa yangjaangi dhienei nyupü yemhalei yangjaang kü hongteishi, hatü aopü yang nyi büm kü küpshi nyuteke.

MENVIH KESHO 104:4

nüngi vanglükü nüngei phongmokbü, aw hatü awlomü nüngei chongphobüthü leihü.

MENVIH KESHO 103:20

Shembüpa kü moihimantuh, Oh am vangsho phongshanthü, am wong kohpü büpai kangpü dou dükpüthü, büpai epü shah ven danpüthü.

ISAIAH 6:6

Hahepak kü Seraphthü khong kübü hük moidü leipü awtao hük ajap kü japtü noei ngei touei piyei heihküteke.

MENVIH KESHO 18:10

Büpai cherub kü uotü piyei dai; büpai vanglükei yang kü uotü piyei aong.

1 ONGPATHÜ 6:24

Shongpü cherub hükei yang kü meter 2.2 lushi, hatü hükpalei yang kao meter 2.2 lushi ling. Hanangkü yangjaang hük kübü hükpa yangjaang thahshi meter 4.4 lushi shiüteke.

SHAKEI VAMPÜ 14:6

Hapheikü ngei lebü vangsho phongshan kahdoknyülei nyupüthü kahmük, jat, shahlem laolao hatü nanglakthü touei baonghen shingvaishi shahjangmei kotü vangsho jiamei piyei ee.

SHAKEI VAMPÜ 8:13

Hahepak kü ngei veishuohjü alang hük vangsho jiam kü ngeüwong anei, “Onyükei! Onyükei! Onyükei kahdoknyülei nyupüthü; mehenangkü lebü vangsho phongshanthü jem leipü amit vünghen mü nyüke” shei vaüyaki piyei daipü ngei danteke.

SHAKEI VAMPÜ 7:11

Vangsho phongshanthü ong uoshing shinei, behethü shinei hatü yemmü nyupü yemhathü ali shinei yaongtü ong uoshing touei jomei dhe aümei shatü Kahvang kü khüm,

DANIEL 7:10

Büpa toueipü aw yungyen kei yenei vamteke. Haja hajai büpa chongphoteke, hatü haja an dok kü haja an büpa touei yaongteke. Shahphenbüthü shahtap kü uo, hatü laithü apteke.

EZEKIEL 10:21

Jom peüei dhe ali baong, yang ali baong, hatü jomei yang phangei shennyakei lak kei nyuteke.

EZEKIEL 1:24

Mechem yemhathü pihenshang, ngei jomei yang ngeü yungching yungmok ngeü kei, Jeiyong Kahvangei ngeü kei, hatü veshan khong longpülei ngeü kei dan.

EZEKIEL 1:9

hatü jomei yangjaang hüki hük kü hongteishi nyu. Yangthü kemei dhe philei laülüki meeshi hatü jom daishingkü yangthü dheüei neyüpyu-i nyuteke.

EZEKIEL 1:6

Yemha ieyeilei dhe ali baong, hatü yang alibaong nyuteke.

JOB SHAHSHA APPÜ 15:15

Kahvangi vangsho phongshanthü kü dangkaomongnehahnyih, hatü vangshothüao büpa touei daülangi nenyu;

JOB SHAHSHA APPÜ 1:6

Nyih hük vangsho phongshanthü Shembüpa mü pongteinüng pei, hatü Satanao jomphong mü omshi pei.

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

1 ONGPATHÜ 8:7

Cherubimei yang paanei heihpai Vangpüshuwpü Pela haüshing, Vangpüshuwpü Pela hatü hapa paipü kenh kao omei bhiüteke.

1 ONGPATHÜ 6:27

Büpai cherubim nyiphen Phopshem mongpalei Longi Daülangpü Shingei tuh; cherubim nyiphenei yang paanei yang hük baongi bham kü hongshi, hatü yang hük baongi Phopshem jiam philei meeshi yang hüki hük kü hongteishi tuh.

MÜLANGPÜ 37:9

Hapa cherubim nyi yang paanei shang lemei anpai shaküp kü ha nyilei yangi dhümteke. Hapa cherubim nyi dhe dhe khangteiyei shaküp kü thaungei veishi ling.

MÜLANGPÜ 25:20

Hapa cherubim nyi yang paanei shanglemei anpai shaküp kü bhüshi lingtuh. Ha cherubim nyi dhe dhe khangteiyei shaküp kü thaungei veishi lingtuh.

MENVIH KESHO 89:7

Daülangpüthü thaipü leiyao nyempü Kahvang, büpa shonei thaipüthü khong kao longpü hatü nyempü.

JOB SHAHSHA APPÜ 4:18

Kahvangi büpalei chongphobü kü dangkao hingnelemjü, hatü büpai vangsho phongshanthü kü dangkao mang yepjü,

1 ONGPATHÜ 19:13

Mechem Elijah-i ha danpa, büpai ashak shüei anei dhe kü jümtü vamei yaongsha shadenei yaong. Hahepak kü ngeü hüki büpa kü, “Elijah, nüng hatouei mehe lingnya?” shei phe.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

KAHBHAO 17:3

Hahepak kü Abrami aümei sha, hatü Kahvangi büpa kü,

HEBREW 1:7

Vangsho phongshanthü nang büpai ha epeih, “Büpai laophülei vangsho phongshanthü vanglük, hatü laophülei chongphobüthü awlom vaishi lingpeih.”

LUK SHAHSHA APPÜ 1:10

Shaang ayingshü jakei moilapü hepak kü khongnyü-ü chingshelei phopei nyu.

ZEKHARIAH 3:4

Vangsho phongshani büpa touei yaongpüthü kü, “Büpa leipü ashakten nyiuklangtuh” shei e, hatü büpai Joshua kü, “Veituh, ngei nüngei mang yahlangtepih, hatü ngei nüng kü owja owphahen” shei eteke.

DANIEL 9:21

ngei shelei manghkhang kü eepü Gabriel, ombaong kü moila shuohpü hepak kü ngei touei piyei shühküteke.

EZEKIEL 10:16

Mechem cherubim daipa, hathü phangeipü kharilathüao kam, hatü mechem cherubim pihen yang paanhenshang, kharilathü melemeiyao neleplük.

EZEKIEL 1:4

Ngei veishingkü apshaphi leipü yinglükleisho vamkei-i ee. Phumtem longpü hük hapa kü vangngai-i shinei yahtü awlah kei klang nyaüpei vamteke. Aw jiamü nyiam nyeleppü keiha nyuteke,

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.