ISAIAH 6:11 - DAÜLANGPÜ LAIHING (BSI)

¹¹ Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

ISAIAH 6:11 Referans Kwoze

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

MENVIH KESHO 94:3

Oh Shembüpa, nemeipü am meshük, meshükpa jom mongonghen?

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

MENVIH KESHO 90:13

Lepei leikei, Oh Shembüpa! Nüngei mongshih meshük lushi nyuhen? Nüngei chongphobü kü phahjishih.

LEVI 26:31

Ngei ammei chingnyü mangtükhen; ammei khümshing lavüngtoiyei tuhphonghen, hatü ammei vong meipü moila ngei neyahhen.

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

MENVIH KESHO 74:10

Oh Kahvang, hepak meshük vepathüi nüng kü nyihen? Jomi düngei nüngei men yaühen je?

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

ISAIAH 5:9

Jeiyong Shembüpai ngei danshi vangei eteke: “Hingmei shem longpüthü longi lavüngtoiyei tuhhen; nethe meipü longpü shemthü kü nyuhen shennyak neshiüi leidaihen.”

ISAIAH 13:12

Daülangpü hon meyü shennyakang kompüba, Ophir hon meyü hangkuang maanpüba leitükhen.

ISAIAH 32:14

Mehenangkü ongshem yakphonghen, ngetnahcheüi nyupü chingnyü vüngmaki tuhphonghen; shangching hatü shangdü peü yakphonghen, hatü hapayü gaduthü ngaleshing, hatü mithü het yemhah shing leidaihen.

ISAIAH 35:1

Bhih kahdok mongonghen, hatü yingnyü yingchongei chübong punghen;

ISAIAH 60:15

Üpaiyao am peih-ei nekamtei-i peüi am yaktük hatü jiühitteke, shejao ngei am den kü müknyinshekhangpü hatü denshem peü kü mongongmonglepü leihühen.

ISAIAH 64:10

Nüngei daülangpü chingnyüthü phaü leidaiteke, Zionü yingnyü yingchong, hatü Jerusalemü lavüngtoiyei leidaiteke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

JEREMIAH 22:6

Judah ongpalei ongshem nangkü Shembüpai hapakei enyüke: “Ngei touei amü Gilead keiha nyujao, Lebanon shangching leshi nyulangmao, ngei amü hingmei mü bhih kahdok leitükhen, shennyak nenyupü ching kei leitükhen.

JEREMIAH 44:2

Jeiyong Shembüpa, Israel Kahvangi hapakei enyüke: “Ngei Jerusalem hatü Judah jilathü kü koei peipü shanghahthü ami ammei müki lekei eeteke. Shinnyih hathü kemei lavüngtoiyei, shennyak neshiüi nyüke;

JEREMIAH 52:27

Hamath kahdok Riblahlei ongpai hathü jütük. Hanangkü Judah am laophülei kahdok kübü yanei wüpküpei daiteke.

EZEKIEL 6:6

Melei am nyuhenshang, hapa shingü lavüngtoiyei tuhphonghen, hatü lajeithü bentükhen, shejüang ammei moidüthü bendaitü vüngmaki leidaihen, ammei lajeithü nihtü yaktükhen, ammei ayingshü jakpü moidü peü bentükhen hatü ammei lakdou kemei thitei yaktükhen.

DANIEL 8:13

Hahepak kü Daülangpü Hüki epü ngei danteke, hatü lebü Daülangpü Hüki shelei epü hük kü eteke, “Manghkhang kü nyihjeih moila shuohpü yahlangpü, mangi chingyan kahpaan koei peipü, Phopshem lanei shuohtükpü hatü phongshanthü la-i shoupei eepü meshük lushi nyukahenang?”

MIKA 2:4

Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”

MIKA 5:11

Ngei ammei kahdok kübü chingnyüthü mangtükhen, hatü ammei veyom shing peü bentükhen.

MIKA 6:13

Hanangkü ammei mang nangkü ngei am mahtükhen, hatü mahtükhen chongpangtepih.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

SHAHKÜP 28:62

Amphong vangsho lithilen kei daeisheyei nyulangmao maani mon yemmü aohen; mehenangkü amphongi Shembüpa, ammei Kahvangei shah nebang.

SHAHKÜP 28:63

Shembüpai am dahüshehühen mongongpü keiha büpai am mahtükhenao mongonghen. Amphongi yahhen kahdok kübü am bhitükhen.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.